Buzz

Miley Cyrus ta papia tocante di su identidad sexual

Written by Super User. Posted in buzz

Miley Cyrus ta, e mester ta, orguyoso di su mes. Pero na momento cu el a bisa cu e ta pansexual, hopi no tabata compronde completamente kico esaki tabata nifica. Pesey mes prensa internacional a busca tur informacion pa asina splica esaki sin cu e wordo confundi como bisexual, paso e ta bastante diferente. ‘Henter mi bida, mi no tabata compronde mi mesun sexualidad. Semper mi a odia e palabra bisexual paso esey tabata hinca mi den un hoki spesifico. Mi no sa pensa di hende manera esey ta un homber of esey ta un muhe’, Miley a bisa den su entrevista cu Variety, prome cu el a revela cu nunca el a gusta ta un mucha homber of un mucha muhe.
Pesey mes eta pensa cu e LGBTQ mester agrega un letter mas esta P pa pansexual. Kico ta pansexual? Den diccionario e ta define manera ‘No limita den e escogencia sexual teniendo na cuenta sexo biologico, genero of genero di identidad. E palabra mes ta bin for di idioma Griego ‘perfix pan’ cual ta nifica tur. E tin di haber tambe cu e interes romantico, paso un hende cu ta identifica su mes como pansexual por sinti su mes atrae na multiple identidad di genero.
 
Miley a bisa e revista cu na momento cu el a haya sa kico pansexual ta, el a cuminsa identifica su mes cu esaki. ‘Mi a bay e centro LGBTQ na LA y mi a cuminsa tende e storianan. Mi a wak un hende cu por ehempel ta identifica su mes como homber y muhe. Mirando nan, nan tabata tur dos, bunita y sexy y tof pero vulnerable y femenino pero tambe masculino’, Cyrus a sigui bisa, agregando cu pa prome biaha e por a identifica su mes cu nan. ‘Maske mi por mustra hopi diferente, hende no ta wak mi mes neutral cu mi ta sinti. Mi ta sinti mi hopi neutral. Mi ta kere cu eseynan ta e prome hendenan neutral den genero cu mi a conoce.

 Manera cu mi a compronde mi genero miho, cu no a wordo asigna, e ora mi a compronde mi sexualidad mas miho. E ora mi a compronde pa kico mi no ta sinti mi ni gay ni straight. Ta paso mi no ta’.