Buzz

Drake y Rihanna no a separa di otro nan tin un relacion habri

Written by Super User. Posted in buzz

Drake y Rihana no a separa manera cu fuentenan a laga sa, esaki ta loke un fuente serca di e pareha a confirma na revista People dialuna. Un di nan a bisa cu nan ta hunto ainda pero cu nan tin un relacion habri. Ni e representante di Drake ni esun di Rihana a confirma e noticia aki. E pareha a haci nan relacion uno oficial na Juli, pero tur hende ta sospecha cu nan tabata sali cu otro caba pa basta luna prome. Drake nunca a sconde su admiracion pa Rihanna, declarando su amor pa e cantante di ‘Work’ riba stage durante di MTV Music Awards na Augustus 2016.
‘E ta un hende cu mi ta stima for di tempo cu mi tin 22 aña’, asina el a bisa prome cu el a brasa y sunchi Rihanna. ‘E ta un di mi miho amiganan na mundo. Y e ta un leyenda bibo den nos industria’. Diadomingo Rihanna a comparti un potret riba Instagram di su relacion anterior. ‘Niun di mi ex parehanan ta casa of den un relacion felis, asina ta mi por bisa cu ami no tabata e problema’, Rihana a skibi bou di e potret. E no a menciona nomber pero algun di su ex parehanan ta Chris Brown y Matt Kemp di Atlanta Braves. Drake recientemente a a sufri un accidente den cual el a lastima su enkel forsando e asina pa cancela e resto di su Summer Sixteen Tour.