Buzz

Matrimonio di mesun sexo legalisa na tur estado Mericano

Written by Super User. Posted in buzz

E Corte Supremo Mericano awe a haci matrimonio di mesun sexo legal na tur estado di e pais, declarando cu nenga e lisencia pa casa na un pareha gay of lesbian ta bay contra di nan Constitucion. E resultado aki lo trece a cambio mas significante den e leynan actual di matrimonio cu ta asina for di e ultimo cambio di mas o menos 50 aña pasa ora cu nan a legalisa matrimonio inter-racial. E mayoria di e decision cu tabata 5-4 voto a wordo skibi pa Huez Anthony Kennedy. ‘E constitucion ta priminti libertad pa tur den su alcance’, asina Kennedy a skibi. Un total di 36 estado awo ta permiti parehanan di mesun sexo pa casa, cu ta cubri mas o menos 70% di e populacion Mericano.  E decision di awe ta nifica cu e prohibicion den e otro 14 estado nan cu tabata falta tambe ta caba awo.

Facebook a resolve e problema mas fastioso di saca potret cu telefon

Written by Super User. Posted in buzz

 

E applicacion independiente y nobo aki ta haci comparti potretan di grupo un proceso mucho mas facil. Bo sa ora cu bo pose pa un potret di grupo y bo tin cu warda pa cada un saca potret cu nan telefon? Wel bo no tin cu warda mas. Facebook lo presenta un applicacion nobo pa comparti potret Dialuna awo cu ta duna e usuarionan e oportunidad pa sincronisa potretnan cu nan amigonan ya asina niun hende tin cu tene nan smile pa asina largo te ora cu tur hende caba I saca potret cu nan telefon of con hopi bo tin cu warda te ora esun cu  saca e potret dicidi di post of manda e pa tur hende.

Facebook a lansa version ‘LITE’ na Asia...

Written by Super User. Posted in buzz

E aplicacion pa telefonnan Andriod tin tur e funcionnan principal pero e ta haci uso di menos data y ta traha riba cualkier network basico. Facebook a lansa un version di e aplicacion aki cu ta duna mas hende rond mundo e oportunidad pa haci uso di dje. Facebook Lite a wordo lansa na Asia diabierna y lo bira obtenibel pa algun pari di Latino America, Africa y Europa den e proximo  simannan.
 E aplicacion a wordo lansa paso hopi hende rond di mundo no tabata haya e coneccion corecto online. E nivel abou di coneccion tabtata strobe hopi caminda y tabata hasi e funcionamento di e aplicacion malo. 
 
 

Front line di GIO Fuertismo ta conoce cambio

Written by Super User. Posted in buzz

Pa masha tempo caba no tin cambio den e front line di e banda  GIO Fuertisimo. Perot a masha dia caba cu rumornan ta coriendo cu lo tin cambio mirando cu un cantante lo ta moviendo pa un otro banda. Ayera doño di banda Gilberto “Gibi”  Doran a confirma cu sit a bay tin cambio mes ora despues di nan presentacionnan na Hulanda durante di Zomer Carnaval. E cantante Djuric “Dju Dju V” Virirgine lo bandona e front line di GIO Fuertisimo.  Esaki pa motibo cu e lo bay forma parti di un banda nobo yama GENTZ cu ta bou direccion musical di Archel Calister. 
 
E banda aki lo bira e banda fiho di Club Façade na Corsow.  E front line di e banda nobo aki tin varios otro nomber cu tambe ta conoci manera Randy Cordelia “Randy LeRoy” y Raynor “Ray” Lauffer.