Ronald Bell, fundador di Kool & The Gnag a fayece na edad di 68

User Rating: 0 / 5

Star InactiveStar InactiveStar InactiveStar InactiveStar Inactive
 

Ronald Bell, un di e miembro fundadornan di Kool & the Gang, a fayece na edad di 68 aña.

El a cuminsa e banda cu se ruman Robet ‘Kool’ Bell na 1964. Nan a bira un di e bandanan di soul y funk mas influencial di e añanan 70 y 80, cu exitonan incluyeno ‘Celebration’, ‘Ladies’Night’ y ‘Get Down On it’.
Nan musica tambe a wordo presenta den varios pelicula manera ‘Saturday Night Fever’ pa cual na a gana un Grammy na 1978 y tambe den ‘Pulp Fiction’.
Bell a fayece na su cas na US Virgin Island cu su casa banda di dje, asina su publisista a bisa. E motibo di fayecimento no a wordo duna.
E mes a siña su mes toca saxophoon y canta, el a funda e grupo na New Jersey hunto cu Robert y cinco amigo di school, esta Dennis Thomas, Robert Mickens, Charles Smith, George Brown y Ricky West.
Nan carera a wordo parti den dos decada. Trempan den e 70nan, nan a score hitnan na Estados Unidos cu e exitonan den funk manera ‘Jungle Boogie’ y ‘Hollywood Swing’. Despues, cu James ‘JT’ Taylor a bira vocalista na 1979, nan a cambia y bira un R&B Band cu tabata produci exito tras di exito.
Como e director musico di e banda, Bell a skibi mayoria di nan exitonan, incluyendo e disco clasico na tur bruid ‘Celebration’. E tabata su cantica preferi for di e catalago extenso di e e banda, asina el a bisa Reuters den un entrevista na 2008. ‘Mi nunca a pensa, cu esaki lo ta un exito asina grandi’, asina el a bisa. ‘Pero despues di tur e añanan aki wak hendenan canta e cantica, bula y gosa di dje ainda na cualkier fiesta. E ta sorprende mi y haci mi hopi contento’.
E grupo a ricibi un strea riba e Hollywood Walk of Fame na 2015 pa nan contribucion na e mundo di entretimento.


© 2020 Click on Aruba. All Rights Reserved. Powered by ArboledaPublicidad