September luna di concientisacion di Cancer di mucha.

User Rating: 0 / 5

Star InactiveStar InactiveStar InactiveStar InactiveStar Inactive
 

Desde September 2010 september ta e luna official pa concientisacion di cancer di mucha mundialmente. Cancer di mucha ta wordo simbolisa i reconoci cu e sinta color di oro. Esaki a wordo declara pa e tempo ey Presidente Barack Obama.

September ta luna di concientisacion International pa hasi eventonan, fundraising, duna support y concientisa over di cancer di mucha. Tambe ta usa e luna aki pa concientisa riba e impacto cu e malesa aki ta hasi na e mucha su bida y di e famia. Cancer di mucha ta devastador pa e crecimento y desaroyo di un mucha y como tambe e famia. Esaki ta cambia nan bida completo si cancer wordo constata serka e mucha. Mester bai concentra con pa bai om cu e cancer y con pa bai juda e mucha den e proceso aki. Tambe pa pone atencion na medicamento y tratamento sin lubida si mester hasi operacion. No ta tur biaha por juda e mucha cu e cancer, e ora mester traha plan pa lage disfruta di su ultimo dianan na bida.

Mayornan cu di e mucha cu tin cancer ta sufri di angustia y stress door di wak nan yui sufri y ta haya stress pa tuma desicionan riba tratamento y medicamento. Mayornan nan bida tambe ta cambia completo, desicionan tin wordo tuma pa cu trabouw y skol. E cos pio cu un mayor tin hasi ta trata na splica nan yui ki e tin y kiko lo bai pasa cune. Kiko por spera of lo sosode despues di tempo. Mas pio cu un mayor lo por pasa aden ta ora e mucha perde e bataya contra cancer, y no ta keda hopi dia mas pa e ta na bida. E ta algo hopi duro pa famia y amistades pasa aden.

Algun forma di cancer ta ser mira principalmente y exclusivamente den mucha. Y door cu esakinan ta conoci ta bira e punto cu mas e concientisacion ta enfoca riba dje.

A ser comproba cu e muchanan ta hopi mas resistente contra cancer y ta bai om cu e remedinan mihor cu un adulto. Tin hopi caso di truinfo y recuperacion completo. Caminda e muchanan ta recupera completo y ta sigui crece y hiba un bida normal.

Si bo conoce un famia of amistad cu ta pasando den un caso asina. Tuma tiki tempo y buska informacion di esaki. con pa juda nan cu e situacion y duna nan apoyo.

September ban concientisa mas riba e tema di Cancer di mucha. E no mester ta un taboo. Ban focus riba e mucha pa mehora su salud..


© 2020 Click on Aruba. All Rights Reserved. Powered by ArboledaPublicidad