Importante pa lesa e informacion aki........

User Rating: 0 / 5

Star InactiveStar InactiveStar InactiveStar InactiveStar Inactive
 

Apreciabel Clickers,
Nos tur por a nota cu ultimamente e cayente durante di dia y anochi tabata casi insoportabel.

Di acuerdo cu expertonan, esaki tin di haber cu e ondanan cayente cu ta bin di e producion di e asina yama gasnan "greenhouse", cua nan ta gasnnan den atmosfera (door di globalwarming) E agencia Meteorologico Internacional ta adverti nos pa nos ta prepara pa dianan y anochinan mas cayente ahinda. E preparacion aki ta rekeri strategia inteligente pa adaptacion y partisipacion den practica evectivo y recuperacion di daño.
E resultado comun di e ondanan cayente aki riba curpa humano ta deshidratacion cu hasta por causa baymento flauw y/ of morto, cendepaga, grawatashi (peshi) di calor y stress sicologico.

Pa por resisti den e condicion di e clima actual expertonan ta recomenda pa:
1. Bebe hopi mas awa pa bo keda hidrata.
2. Percura pa semper bo tin un boter di awa hunto cu bo pa recorda bo bebe awa.
3. Evita alcohol y bebidanan cu hopi cafeina durante di e tempo aki.
4. Reduci cumindanan cu hopi proteina (p.e. carni cora) pasobra esakinan ta keinta bo metabolismo mas.
5. Come fruta- y berdura fresco cu ta e miho opcionnan.
6. Controla bo presion cu regularidad pa tene esaki bou di control.
7. Keda mas tanto posibel paden (den cas of oficina) entre 12’or merdia pa 3’or atardi.
8. Tuma un baño di awa friu/fresco anochi prome cu bo bay drumi.

Laga nos haci nos best pa tene nos mes na esaki mirando cu pa nos cada un esaki ta di vital importancia.
Porfabor comparti e informacionnan aki cu bo sernan stima.
Danki pa stima nan manera bo ta stima bo mes.


© 2020 Click on Aruba. All Rights Reserved. Powered by ArboledaPublicidad