Sa bo balor y no laga niun hende balota bo!!!

User Rating: 0 / 5

Star InactiveStar InactiveStar InactiveStar InactiveStar Inactive
 

Den e temporada aki cu mundo completo ta den un crisis incomparabel debi na e pandemia aki di COVID-19, hopi otro problemanan tambe ta bin ariba.

Un di nan cu ta hala basta atencion ta e hecho di problemanan na cas, entre pareha y of familiar. Ta un hecho cu e stress mundial ta pone presion riba tur hende y riba tur situacion. Pero como persona bo mester sa bo balor y no laga ningun hende balota bo.
No laga ningun hende haci bo sinti menos of kisas te hasta sin balor of robes pa cosnan cu abo ta scoge pa haci pa bo mes. Cada hende tin e derecho di ta liber pa expresa nan mes di e forma cu nan ta dicidi cu ta miho pa nan. Bo tin cu corda cu den cada relacion, sea di pareha, amistad of familiar, respet mutuo ta hopi importante. Na momento cu esaki cay perde y un hende cuminsa pone ordo of prohibi un otro di haci algo, cos no ta canando manera cu mester ta.
Importante ta cu bo ta duna bo mes e balor. Stima bo mes y sa cu bo por logra loke cu bo pone bo mente na dje. Na momento cu un hende ta pone ordo riba bo, menos precia bo, ta haci bo sinti chikito y chercha bo, realisa cu esaki no ta bon. Y cu como un persona cu ta stima y balora su mes esaki no ta loke cu bo ta merece.
E pandemia aki tin suficiente hende cu stress y sintimento negativo, no laga otro hende cu kisas tin nan mesun situacionnan bayiendo malo, baha esaki riba bo sin tin mester. Para pa bo mes, balora bo mes y stima bo mes.


© 2020 Click on Aruba. All Rights Reserved. Powered by ArboledaPublicidad