Trump ta tuma e oferta pa Joe rogan modera e debate cu Joe Biden

User Rating: 0 / 5

Star InactiveStar InactiveStar InactiveStar InactiveStar Inactive
 

Dialuna ultimo Presidente Trump a tuma e oferta di e comentarista di artemarcial mixto y host di podcast riba Spotify esta Joe Rogan pa modera e debate di 4 ora cu ex Vice Presidente Joe Biden.

‘Si’, asina Trump a responde riba Twitter post i Tim Kennedy, ex bringado di MMA.‘Durante di mi podcast cu Joe Rogan el a ofrece pa modera e debate entre Joe Biden y Donald Trump, e lo tuma 4 ora sin audiencia en bibo. Djis e dos candidatonan, camara y nan vision di con nan lo move e pais dilanti. Ken kier e trabou aki?’, asina Kennedy a post riba twitter. Rogan y Kennedy tabata descuti over e debate durante di nan podcast di diadomingo durante e programa ‘The Joe Rogan Experience’. Rogan a bisa cu pa evita opinion partidario di media, e lo ta un placer pe pa modera e debate entre Biden y Trump. ‘Prome cu tur cos, mi no kier ningun hende mas den e espacio, djis nos tres y boso mester stream e en bibo pa asina ningun hende por edit e. Tambe mi kier nan eyden pa varios ora’, asina rogan a bisa. ‘Si nan kier haci esaki, bin Austin, sinta y haci un debate, mi ta 100% willing pa modera e debate’, asina el a sigui bisa. ‘Pero mi no ta kere cu Biden lo por cu esaki. Tin ora mi ta pensa cu tin algo robes cu Biden y tin ora no, mi no sa mi ta kere kisas paso mi ta pro Trump. Mi a wak Biden ora
cu e no por contesta e cosnan’, el a sigui bisa. E dos candidatonan a bay di acuerdo cu 3 debate cu moderadornan seleciona pa e comision di debatenan presidencial. E prome
debate lo ta 29 di Sept na Cleveland, e di dos lo ta 15 di October na Miami y e ultimo lo ta dia 22 Oct na Nashville.
E moderadornan ta Kristen Walker di NBC News, Steve Scully e editor politico di C-SPAN Networks y Chris Wallace di Fox News.


© 2020 Click on Aruba. All Rights Reserved. Powered by ArboledaPublicidad