PepsiCo a lansa un bebida cu ta yuda consumidornan drumi si nan tin problema cu stress

User Rating: 0 / 5

Star InactiveStar InactiveStar InactiveStar InactiveStar Inactive
 

Docter y dentistanan ta reportando mas caso di djentenan gekraak y insomnia mientras cu e pandema di coronavirus ta afecta e nivel di stress di tur hende.

PepsiCo su bebida mas reciente ‘Driftwell’ ta lansando su mes como un forma pa combati e problema aki. Empleadonan di Pepsi a bin cu e idea pa un bebia cu ta yuda e consumidornan baha nan stress y tambe relaha prome cu drumi, como parti di un competencia interno cu e CEO di e compania a cuminsa aña pasa.
E concepto a gana y e gigante den cuminda y bebida a bay traha riba dje mes ora pa haci esaki un realidad. Emily Silver, vice presidente di invencion y capabilidad na PepsiCo, a bisa cu esaki ta e producto cu a wordo lansa mas lihe en e historia di nan compania.
‘Driftwell’ lo ta obtenibel nacionalmente y riba e-commerce na December y lo ta den tienda durante e prome cuartal di 2021.
‘Mita kere cu lansa esaki na memento cu unda cu consumidornan tin hopi interes per cu prome, ta loke cu ta duna e producto mas chens riba mercado’, asina Silver a bisa. E bebida cu base di awa ta contene 200 miligram di L-theanine, un amino acido cu bo ta haya den te preto y berde y algun mushroom. Algun estudio a sugeri cu e ingrediente prom mehora e calidad di soño y e por reduci sintoma di stress fisico.
‘For di e perspectiva cientifico y reulatorio, nos ta sinti bon cu esaki pa haci uso di e L-theanine pa yuda. Specialmente paso nos tin e data clinico pa yuda prueba cu e ta funciona’, asina Silver a bisa.
‘Driftwell ta contene 10% di e nivel recomenda di magnesium pa dia. E bebida ta bin den un bleki chikito di 7.5 ons y tin un solo sabor esata blackberry lavender. Segun Silver e ta e size perfecto pa hidrata bo mes prome cu bay drumi sin cu e ta rekeri bo bay baño durante anochi.
Awanan funcional actaulmente ta un mercado di 2.97 biyon di dollar pa aña na Merca. E bebidanan aki ta varia di loke cu nan por haci, sea relaha, duna energia of cualkier otro cos.
Companianan mas chikito ta traha bebidanan relahante cu CBD oil, pero ainda no tin estudio riba esakinan cu nan ta funciona di berdad


© 2020 Click on Aruba. All Rights Reserved. Powered by ArboledaPublicidad