J Balvin a kibra record di Guinness World Records.

User Rating: 0 / 5

Star InactiveStar InactiveStar InactiveStar InactiveStar Inactive
 

J Balvin ta sigui marca historia den industria di musica rond mundo. E biaha aki J Balvin tin total di 13 nominacion pa Latin Grammy Awards 2020.

J Balvin awo tin un titulo di Guinness World Records como e artista cu mas nominacion den un aña pa Latin Grammy. Den cuminsamento ora e lista di nominacion a wordo anuncia J Balvin a domina e lista cu 13 nominacion pa su album mas recien "colores y oasis" den colaboracion cu Bad Bunny marcando historia. E record aki Calle13 tawata tine prome cu 10 nominacion na aña 2011. JBalvin no ta desconoci den kibra recordnan den area di musica. Varios aña caba  JBalvin a sa di kibra diferente record den industria di musica.

J Balvin su disciplina, positivismo y trahando duro tur dia a pone cu e la bai mas leuw di su sonjonan. Esaki a pone cu la bira un di e top artistanan y cu tambe ta colabora cu diferente artista rond mundo. J Balvin a wordo nombra tambe pa TIME Magazine como un di e 100 personan cu mas influencia rond mundo pa aña 2020.

Un official di Guinness World Records a bisa cu nan sa cu esaki lo no ta e ultimo record cu J Balvin lo kibra. Y cu nan ta mira den futuro JBalvin lo kibra hopi otro recordnan.

Corda Latin Grammy Awards ta awenochi, Enjoy.....


© 2020 Click on Aruba. All Rights Reserved. Powered by ArboledaPublicidad