Cuisine

Honey BBQ Chicken Wrap

Written by Super User. Posted in cuisine

Algo simpel y lihe cu tur hende na cas por disfruta di dje.

Ingrediente:

Chicken nuggets di cas
4 tortilla grandi
2 cups di coleslaw di paki
1 ½ cup di keshi cheddar raspa
Honey BBQ sous:
1 cup di BBQ sous
¼ cup di honing
2 cuchara grandi di ketchup
Sriracha sous na smaak

Preparcion:
Pa e nuggets di cas, bo simplemente ta tuma dos pecho di galiña y bo ta corta esaki na pidanan chikito. Sasona nan cu salo y pepper, pasa nan den hariña, webo bati y paneermeel despues hasa nan. Lagan an saca e vet riba papel di cushina y pone nan un banda cla pa usa.
Pa e sous, keinta tur e ingredientenan den un panchi chikito riba candela mediano pa 5 minuut. Draai e algun biaha. Pone e galiñanan ya caba hasa den un baki grandi y basha e sous cayente riba nan. Warda un tiki como dip pa ora di come. Bolter e galiñanan den e sous pa tur wordo cubri.
Pa pone e wrap hunto ta lo siguiente, pone poco di e keshi raspa como base den e tortilla. Bo por hasta laga esaki smelt door di keinta e torilla un poco den un panchi. Riba dje bo ta pone 5 of 6 pida galiña. Basha un poco mas sous manera bo kier. Riba di e galiña bo ta pone un man yen di e mezcla di coleslaw. Sera e, wante cu un toothpick si mester y sirbi e mes ora.