Events

GLW Foundation ta cla pa Miss Teen Aruba International 2016

Written by Super User. Posted in Events

AWE na Divi Links lo instala e candidatanan.
 

For di oficina di GLW Foundation nos a ricibi e informacion cu e commission organisador ta cla pa un otro aña di Miss Teen Aruba International. Esaki ta di 8 aña cu e GLW Foundation ta organisando Miss Teen Aruba International,  unda e presidente George  Winterdaal ta fungi 10 aña caba como presidente, e  tempo ey bou di e nomber di Miss Teen Aruba y ora a funda GLW Foundation a incorpora Miss Teen Aruba bou e capa di Miss Teen Aruba International,  pues a sigui cu e premionan y e formato di e elleccion.   E aña aki e elleccion su thema ta “Color Explotion”. 

E anochi di instalacion y presentacion na prensa lo ta diasabra awor dia 23 di April 2016 na Divi Links di 7or pa 10or.  Durante e anochi aki prensa, famianan y invitadonan por mira kende ta e candidatanan cu lo opta pa e corona maximo di nos hubentud dia 10 di July den Cas di Cultura.  Desde diasabra awor e candidatanan lo pasa den 3 luna di diferente seminarionan, actividadnan social, cultural y tambe lo atende diferente cursonan, photoshooting y hopi mas pa asina nan por representa Aruba dignamente den exterior.  

Koffiemorgen na Colegio San Antonio

Written by Super User. Posted in Events

Colegio San Antonio ta habri su portanan pa Aruba ‘Bin conoce nos scol’

Cu un periodo largo di renobacion tras di lomba y cu resultado spectacular, Colegio San Antonio ta habri su portanan pa Aruba henter pa ‘Bin conoce nos scol’ durante di un dushi dia di koffiemorgen yena di actividad.
Despues di un reapertura masha bunita entre invitadonan, docentenan y alumnonan, diadomingo awo Colegio San Antonio ta invita un y tur pa bin conoce e hoya di scol. Durante di e mainta aki lo tin un cantidad di actividad den cual lo bo por sera conoci un poco mas di cerca cu e scol, su docentenan, alumnonan y tur loke cu e tin di ofrece.
 

Parada di Lampi un exito rotundo!!!

Written by Super User. Posted in Events

Un bunita parada di lampi riba e caminda dilanti e hotelnan tabata un exito rotundo. Gruponan di cultura y baile a sui caminda y disfruta di musica folclorico y tur e exitonan di Bernadina Growell, nos mama di cultura den felis memoria. E parada tabata apenas e comienso di e celebracion cu a termina den Paseo Herencia. Den un acto protocolario nan a devela e 'relieve' di Sra. Bernadina Growell na e teatro den aire liber na Paseo Herencia.

ASMF cu un line up spectacular!!!

Written by Super User. Posted in Events

Durante di un tremendo rueda di prensa promotornan, ATA y organisadornan di e gran Aruba Summer Music Festival a anuncia e line up pa e aña aki. E lo tuma luga dia 24, 25 y 26 di Juni. E festival a extende su mes pa un anochi mas y cu motibo special. Nan a agrega un Caribbean Night! Ban cuminsa cu nos bandanan local cu lo forma parti di e gran festival. Esaki nan lo ta YX3M, D'Lucious, Tsunami y N'Fuzion.