Health

E yabi di eterno huentud por ta den cannabis???

Written by Super User. Posted in health

Hopi di e debatenan tocante di marijuana/cannabis ta pa mantene esaki for di mannan di muchanan, y cu bon motibo. Tin hopi indicacion cu cannabisa por afecta e celebro di un adolecente den desaroyo y algun estudio ta mustra cu mas trempran un mucha cuminsa huma mas efecto nan lo tin di esaki despues den e añanan.
Pero kico cannabis ta haci cu e celebro anciano? E pregunta ey te ainda masha poco a wordo explora riba dje, pero el a cuminsa haya atencion na momento cu mas y mas hende grandi a cuminsa haya prescripcion di marijuana medicinal e pregunta aki a bira mas interesante pa sa ki efecto e tin riba e celebro adulto/anciano. Recientemente un grupo di investigador di Alemania y Israel a publica un estudio den ‘Nature Medicine’ cu a studia e diferente efectonan di tetrahydricannabinol, cu ta e componente psychoactivo di cannabis cu ta conoci pa e nomber THC, riba ratonan hoben y bieu.
 
Nan resultadonan ta masha provocativo; un dosis abou di THC a raporta un reversion den e decadencia cognitivo pa motibo di edad serca e ratonan di 12 y 18 luna.Nan a ripara e cambio aki den e diferencia di e expression di e genennan, e manera cu e codigonan di nos DNA ta transcribe y traduci den protein y otro moleculanan. Segun e estudio, e profil di expression di e ratonan di 12 luna trata cu THC tabata parce basta di serca na animalnan di 2 luna, indicando pues cu e celebro tabata bira mas hoben.
E experimento a enfoca riba habilidadnan special y memoria. Mientras cu ratonann tipicamente no tabata presta mes bon cu esnan hoben den e laberinto of den reconoce cos, un resultado normal door di e degneracion di e celebro door di edad, nan tabata presta mesun bon cu esnan hoben, ora cu nan tabata bou di influencia di e tratamento cu THC. Mientras tanto, ratonnan mas hoben tabata mustra net lo contrario, pues un degreacion na momento cu nan wordo trata cu THC.
Pesey mes ta conclui optimisticamente cu e posibel uso di dosis abou di extracto di cannabis lo por potencialmente yuda ba slow down of te hasta reversa degeneracion cognitivo pa motibo di edad. Nan ta spera di por lansa testnan clinic riba hende durante di e aña aki ainda pa asina por sigui wak kico e posibilidad nan ta.
‘Si nos por rehubenece e celebro di forma cu tur hende por haya cinco pa dies aña mas sin tin necesidad di extra cuido e ora esey ta mucho mas di loke cu nos por imagina’, asina e investigador principal a bisa den un entrevista. Despues di mas controle nan a ripara cu esaki tin mas efecto riba e sistema di un hende birando bieu, manera cuido contra di malesnan cognitivo y degeneracion mental manera demencia. Claro cu tin hopi mas cu mester wordo explora y siña di kico THC ta haci cu e curpa, paso no ta tur cos cu ta bon pa e ratonnan tambe ta bon pa nos grandinan.

 Pero si mas invistagacion indica cu nos por kibra algun di e murayann aki , nos lo por cuminsa descubri e beneficio berdadero di e medicina aki.