Health

Gelato nobo cu sabor di ‘Viagra’

Written by Super User. Posted in health

Tur hende ta puntrando nan mes si e tin e mesun efecto. Sabornan straño y diferente di ice cream y gelato no ta nada nobo, for di sabor di blue cheese te na sabor di lobster nos a conoce, bo lo por haya algo straño unda cu ta. Pero un gelato color di smurf y di Viagra ? Bo lo tin cu bay Italia pa esaki. Un potret cu a wordo publica riba Reddit cu a haya masha hopi atencion y ta poniendo tur hende pensa si e ta djis mesun color cu e pildora blou chikito of cu e tin mesun funcion cu e pildora blou pe esnan cu ta sufri di desfuncion erectile.
Prome e tabata mustra manera un joke cu nan mes a photoshop, te ora cu despues di poco investiacion a resulta cu e ice cream aki ta existi di berdad. Te ainda expertoan no por bisa kico tur tin den e gelato, pero parce cu e no ta mucho dificil pa haya. Un articulo publica ‘Why go Italy’ ta referi na e sabor ki como un di esnan cu bo lo por topa cune na Italia. Y nan ta splica cu e tin yerbanan Americano cu ta afrodiciaco cu tin e mesun efecto riba hende cu e pildora blou chikto esta Viagra. 
Den algun comentario riba e potret algun hende a bisa cu e ta smaak bubblegum of black licorice mane cottoncandy. Un otro comentario tabata burla y a bisa cu si bo gelato ta keda gefreeze pa mas di cuater ora tuma contacto cu bo dokter. Tin potretnan similar cu por wordo haya riba otro rednan social na varios lugar di gelato na Italia ya caba for di 2013. Si di berdad bo ta buscando un ice cream cu tin Viagra den dje e por wordo haci djis cu e lo costa bo basta. Durante 2014 na Inglatera Charlie Harry Francis a crea un icecream cu Viagra den dje y el a yama e ‘Arousal’. El a traha esaki special pa un cliente na Los Angeles, asina Times a raporta.

E cliente a prove e Viagra y den cada scoop tabata inclui 25 miligram di e remedy. Francis a asumi cu cada scoop lo costa mas o menos 33 dollar.