Music

Luis Fonsi y Daddy Yankee na top di lista musical cu ‘Despacito’ na Inglatera

Written by Super User. Posted in music

Luis Fonsi y Daddy Yankee ta na caminda pa tuma e posicion mas halto den e top musical na Inglatera cu e single ‘Despacito’, mientras cu Kasabian ta purbando pa caba cu Ed Sheeran cu reinado como e miho album ultimamente. Pusha pa e remix hunto cu Justin Bieber y un presentacion di e cantica siman pasa na entrega annual di Billboard Latin Music, ‘Despacito’ a subi e top como e single mas popular. Si e keda mantene e posicion aki te fin di siman,
‘Despacito’ ta bira e prome cancion di un idioma straño cu ta gana e posicion aki despues di Psy su ‘Gangnam Style’ durante di September 2012. Segun mas investigacion el a kibra e record di cantica na Spaño mas busca tambe cu tabata ‘Loca People’ di Sak Noel na 2011. Internacionalmente ‘Despacito’ a kibra un cantidad di record for di tempo cu el a wordo lansa na Januari. Segun Spotify, e ta e prome cancion na spaño cu a yega number 1 riba e sistema di stream global aki y ta e cantica mas halto riba e topnan na e idioma ki for di comiendo di Spotify.
Riba YouTube tambe e tin 1.3 biyon di hits. E ta oficialmente e cancion cu a debuta na number un riba e lista di YouTube pa 2017, acomulando mas di 20 miyon di views den su prome 24 oranan y pa awo tin mas di 146 miyon di views mundialmente. ‘Despacito’ ainda no ta mucho sigur di su titular na Inglatera mirando cu e ta unicamente 1300 units dilanti di e number 2 cu ta DJ Khaled su cancion ‘I’m The One’.