Music

Prince haya morto, e cantante y icono di pop tabata tin 57 aña

Written by Super User. Posted in music

E mundo di musica a perde un otro leyenda. Artista di pop mundialmente reconoci Prince a fayece na edad di 57 aña. E cantante a wordo haya morto na su studio na Paisley Park na Chanhassen Minnesota, asina informacionnan di prensa internacional ta bisa. Polis local a bisa NBC cu nan a respone na un reportahe di un fatalidad na e propiedad ariba menciona.
Fin di siman pasa, Prince a presenta ainda den Paisley Park Dance Party. Algun dia prome, e tabata hospitalisa cu griep pisa despues cu nan mester a baha un avion di emergencia cune abordo na Illinois, segun un otro fuente di noticia internacional.

ORI cu producion nobo ‘Swing Bai Bin’ na caminda pa mas exito!!!

Written by Super User. Posted in music

ORI a bini cu varios produccion cu a sa di tembla e caya y laga tur hende sa cu ORI no a bay niun caminda. Pesey ORI ta release su sigiente single na radionan so pa tur fanatico por solisita e track solamente na nan emisora preferi!
Despues di hitnan manera "Den Haag", "Afterparty", e bachata "Ma Kai", "Down" y "Un Chens"
ORI ta bini cu algu pa e clubnan atrobe! Algo pa bo blaas den bo speakernan y baila bay gol!
E track aki lo ta sigur un dje tracknan cu lo bula dak di tur discotek!
Cu un swing unico anto cu un melodia hopi catchy ORI ta presenta boso cu su single titula :
"ORI - Swing Bai Bin ft. Bryan Rock (Prod by Slick)"


E track aki ta un colaboracion di 2 artista hopi distinto riba beat di un di e producernan mas fuerte na Corsou pa loke ta trata beatnan cu latin flavor.
Slick cu ta conoci pa a traha hitnan manera "Mita Prefera Bai Campo", "Hoy Te Vas Conmigo", "Me Tienes Loco" y hopi mas a sera cabes cu ORI, cu a introduci Bryan Rock na e mundu di muziek cu e produccion "Badgyal Riba Mi" cu a sa di yega #1 na hopi radio emisoranan, a forma un team y traha e bom aki.

Mundo di musica local y di Curacao ta den full produccion

Written by Super User. Posted in music

Net despues di carnaval semper ta e momento na unda cu produccionnan nobo ta sali y cu ta bira e cancionnan di e aña y hopi gusta pa un y tur. Pa e aña aki el a cuminsa hopi trempan cu presentacion di Jeon y Ataniro cu ‘Dushi Bida’ cu te ainda ta un di e exitonan mas grandi.

Hopi informacion comparti entre musiconan y Stichting Musica

Written by Super User. Posted in music


Dialuna anochi den D2I mayoria lider di banda y algun musico a reuni hunto cu Stichting Musica pa asina sigui traha riba e plannan pa 2016 y otro aña na caminda. Den combersacion cu , Vise Presidente y Acting President,Edwina Werleman, Click a compronde cu e reunion aki tabata primordialmente pa comparti cu e musiconan e 5 eventonan cu nan tin planea pa e aña aki y tambe pa pidi nan cooperacion cu esakinan.