Music

Despues di Exitonan di Simplemente PaBo:

Written by Super User. Posted in music

Den entrevista cu Quincy Hasham, den e week-end anterior, nos a bin compronde cu Simplemente PaBo ta cambia su nomber pa Loud by Quincy. E cambio aki ta uno di importancia pa e simpel hecho cu hopi di e fanaticona y e integrantenan di e banda a boga pa algo fresco y nobo.
Ya caba contractnan a drenta pa asina por sigi presenta cu e banda LIVE aki y e meta principal ta pa e pueblo por goza di algo simplemente diferente.

Cu hopi emocion Aruba Dushi Tera 40 a wordo lansa

Written by Super User. Posted in music

Di un forma sumamente emocional e projecto Aruba Dushi Tera 40 a wordo lansa na Fort Zoutman. Como regalo na Gobernador Refunjol e projecto aki a wordo hinca den otro pa un cantidad grandi di hendenan cu a pone tur cos hunto pa traha duro pa presenta esaki. Jonathan Vieira tabata na cabes di e projecto y cu masha emocion el a gradici y presenta esaki na tur presente.

‘Dushi Bida’ su video clip ta on…disfruta di dje!

Written by Super User. Posted in music

Despues cu ya caba e cantica aki ta cosechando exito for di dia cu el a wordo lansa awe a habri siman cu su propio videoclip. ‘Dushi Bida’ presenta pa Jeon ft Ataniro ya caba ta un exito y awo cu e videoclip esaki lo crece bira ainda mucho mas grandi. Filma na Aruba mes cu paisahenan bunita y sumamente crioyo cu ta pone tur cu wak e disfruta ainda mas di nos dushi bida riba nos dushi isla. Sigur un tremendo forma pa habri siman disfrutando di bon musica y tambe e Dushi Bida cu nos tin aki. Wak e pa bo mes y disfruta di e tremendo videoclip aki. Manera e creadornan di e exito aki mes ta bisa wak e, disfruta did je y sigui share! Masha pabien un biaha mas na Jeon, Ataniro y tur esnan den e produccion, di berdad Aruba tin talento di sobra!!!

 

Beyonce lo presenta durante di half time na Super Bowl proximo luna

Written by Super User. Posted in music

Beyonce ta bay bek pa e half time show na Super Bowl. Pepsi a confirma esaki na Prensa Asocia diahuebs, cu e cantante di 34 aña lo presenta di 7 di Februari durante di e show na Levi’s Stadium na Santa Clara California. Luna pasa e banda Coldplay a anuncia cu nan lo ta esnan cu lo presenta durante di e half time show.
Beyonce ya caba a yega di presenta den e half time show durante di e Super Bowl na New Orleans na 2013. Durante di esaki e la presenta hunto cu su ex banda Destiny Child.