News

Stemkaart a wordo parti y hunto cune indicacion con pa vota!

Written by Super User. Posted in news

Durante di siman cu a pasa tur stemkaart a wordo parti pa asina Aruba complete por acudi na nan stem lokaal indica pa aci uso di nan derecho di voto. E carchinan pa vota a keda mescos cu tur aña y esaki ta loke cu bo mester pa asina bo por deposit abo voto. 

Bo tambe haya bo stemkaart?!

Written by Super User. Posted in news

  Den e dianan aki faltando 23 dia pa eleccion mayoria hende a ricibi nan stemkaart caba cu ta indica nan na unda nan lo tin cu bay deposita nan voto dia 22 di September 2017.
Den e dianan aki esaki ta practicamente e unico post cu ta wordo parti pa asina ta sigur cu tur 70 mil kaarchi por yega den man di e persona correcto. Pone bon atencion riba bo post bus pa asina bo tambe haya di bo y tene esaki serca pa dia di votacion.
Durante di e dianan na caminda Click lo sigui trece informacion importante di dia di eleccion cu ta na caminda. Pa asina abo tambe por Click bo Vote manera mester ta.

 

Aña escolar 2017-2018 ta ranca sali mayan!!!

Written by Super User. Posted in news

Despues di algun siman dushi di vacacion, tur cos ta cla pa portanan di scol habri mayan mainta trempan y yama bon bini na tur e alumnonan.
Riba varios red social por a wak con scolnan y docentenan ta preparando den full swing pa asina yama e alumnonan bon bini y tame cuminsa un aña escolar riba bon pia. Banda di esaki rednan social ta yen tambe di mayornan y muchanan preparando tas, uniform y tur cos pa cuminsa mayan riba e caminda pa un otro aña escolar exitoso. Nos di Click On Aruba lo haci nos best pa pasa algun scol ya nos tin un bista di con esaki lo bay asina ta keda pendiente. Na mes momento nos kier corda tur hende cu mayan camindanan lo ta druk, pues purba di subi caminda trempan of tene hopi pasenshi mirando cu e fluo di trafico lo ta mucho mas hopi cu loke cu e tabata ta den e dianan aki.


Di awor caba nos kier desea tur docente, alumuno y mayor tur cos bon pa e aña escolar na caminda. Corda cu nos cada un tin cu pone di nos banda pa asina esaki por ta uno exitoso y na nos agrado. Ban traha duro pa asina nos tur por bay over of slaag. Hopi exito di antemano y ban traha duro pa boso logra boso soño.