News

‘The Fast and the Furious’ a presenta nan trailer durante di Super Bowl

Written by Super User. Posted in news

 

Un trailer nobo a ‘The Fast of the Furious’ cu ta e di ocho pelicula den e serie di ‘Fast and the Furious’ a wordo lansa diadomingo durante di Super Bowl na CBS. E proximo produccion den Universal su serie ‘Fast and the Furious’ ta cuminsa cu Dominic Toretto (Vin Diesel) y Letty (Michelle Rodriguez) riba nan honeymoon y e resto di e ekipo liber di tur culpa purbando di haya un bida normal.

Pero na momento cu un villano nobo presenta su mes, hunga pa Charlize Theron, cu ta seduci Dom y hiba e bek den e mundo di crimen unda cu e no por scapa, haciendo cu e famia lo tin cu enfrenta un set di  problema nobo.
Esaki ta un bista cla cu cosnan a cambia drasticamente den e proximo pelicula aki. E trailer tambe ta mustra Hobbs (Dwayne Johnson) y Deckard Shaw (Jason Statham) ta uni forsa maske cu nan no ta mucho contento cu esaki.
Theron ta un di e personahenan nobo den e pelicula hunto cu Helen Mirren y Kristfer Hivju. Tyrese Gibson y Ludacris tambe ta bek. E frankisia a prueba di ta un bo inversion pa Universal, ora cu e ultimo pelicula, ‘Furious 7” a genera 1.5 biyon dollar mundialmente. Esey tabata e ultimo pelicula den e serie na cual e fayecido actor Paul Walker a participa na dje.
‘The Fast and the Furious’ lo ta den teatro dia 14 di April 2017.