News

Venezuela ta anuncia cuater ora diario di interupcion di coriente pa spaar gasto

Written by Super User. Posted in news

Venezuela ta bay corta coriente di forma nacional cuater ora pa dia pa asina nan por spaar mas energia, paso debi na e secura esaki ta limitando e pais su habilidad pa genera electricidad, asina e minester di electricidad a bisa diahuebs. ‘Lo tin restrincionnan. E ta necesario, nos mester sacrifica’, Luis Motta a bisa den un conferencia di prensa nacional. El a bisa cu e interupcionnan, cu lo dura 40 dia cuminsando dialuna awo, lo tuma luga entre 8or di anochi pa 12 di marduga y cu e oranan den cual lo corta coriente lo wordo anuncia riba e website di gobierno diariamente y den e corantnan nacional.

Jennifer Aniston ta People su muher mas bunita di mundo pa 2016

Written by Super User. Posted in news

Jennifer Aniston por ta un di e hende na mas nechi di Hollywood, pero pero asina mes e tabata hopi sorprendi y alaga na momento cu el a tende e noticia cu revista People a nombra e como e Muhe mas Bunita di Mundo. ‘Mi a pensa, mi Dios! Sigui pa un momento di locura manera un hoben gritando di alegria’, asina Aniston a bisa ora cu nan a yama e pa haci e portada di e revista. E artista cu a bisa cu el  a siña gusta su apariencia durante di e añanan ta insisti cu e ta sinti su mes na e momento aki mas miho cu nunca, saludabel y fuerte. ‘E ta pret, e ta un transicion hopi lihe di no preocupa bo mes cu nada pa diferente ta pendiente di kico bo ta pone den bo curpa.

FIFA ta manda panel pa controla condicionnan di labor na Qatar

Written by Super User. Posted in news

Presidente di FIFA Gianni Infantino a bisa cu nan a manda un panel pa controla si e condicionnan di trabou ta decente durante di e construccion di e stadionnan na Qatar pa e Copa Mundial na 2022. Durante di e prome bishita na Qatar, Infantino a bisa cu e grupo di FIFA ta inclui participacion di sectornan relevante den di sociedad civil y otro participantenan importante den FIFA. Qatar hopi biaha ta wordo critica pa e gruponan di derecho y e sindicantonan pa motibo di abuso y morto di trahadonan na luganan di construccion for di tempo cu nan a gana e bit pa host e copa mundial na 2010.

Esaki ta e motibo real pa kico ‘weed’ ta wordo asocia cu 420

Written by Super User. Posted in news

Tanto esnan cu ta huma marijuana como esnan cu no ta haci esaki ta reconoce April 20 of 4/20 como e dia nacional di cannabis, pero ta poco hende sa dicon e dia aki a wordo escogi. Algun ta bisa cu ‘420’ ta un code di polis cu ta nifica “humamento di marijuana tumando luga”. Otronan ta bisa cu 4/20 ta e dia di cumpleaños di Adolf Hilter. Y otronan ta bisa cu e tin di haber cu Bob Dylan su cantica ‘Rainy Day Woman #12 & #25’ paso 12 x 35 ta 420. Pero pa bisa e cos cla manera e ta tur e rumornan aki ta incorecto.