Sports

Aruba ta bira Campeon den Serie del Caribe!!!

Written by Super User. Posted in sports

Despues di un siman di weganan excitante Serie del Caribe di Pony League a yega su final den gran forma.
Diasabra a hunga final den e categoria Bronco 11-12 unda cu Puerto Rico y Venezuela a bataya fuerte. Na final Puerto Rico a titula su mes campeon. Y venezuela a keda na di dos luga.

 

Den e categoria 9-10 Mustang Aruba Champs y Venezuela a enfrenta otro den un partido candeloso. Finalmente Aruba Champs Mustang a titula nan mes campeon cu un score di 13-3. Di e forma aki Aruba lo representa Caribe den e Pony League World Series na Louisiana na comienso di Augustus.
Mester duna dos pabien special na e MVP di e campeonato cu a wordo premia pa Power FM cu a bay pa Luison da Silva. Y tambe na e unico homerun di e campeonato di Jermaine Faro tambe di Aruba.


Masha pabien na e ekipo completo cu nan logro y hopi exito na Louisiana.