Sports

Olimpiada Rio peraprando pa gran apertura dia 5 di Augustus 2016

Written by Super User. Posted in sports

 

Awor aki falta unicamente 17 di pa e evento deportivo tan spera di aña esta Olimpiada na Rio. Esaki lo ta e di 31 olimpiada di verano cu lo presenta 306 evento den 28 diferente deporte.

Rio de Janeiro capital di Brazil lo ta anfitrion di e Olimpiada. Y nan ta sumamente druk bezig cu e preparacion pa diferente deporte como tambe pa e gran ceremonia di apertura, cu lo tuma luga na Stadion di Maracanã den e curason di e ciudad.
NBC a confirma cu nan lo pasa e ceremonia di apertura djis cu un ora di retraso. Rio de Janeiro ta un ora adelanta di nan ora pues e ceremonia lo cuminsa pa 8or di anochi. Si bo ta prefera di wak e via di streaming bo por haci esaki via di e website oficial di Rio Olympics.
Fuera di presenta e actividadnan di forma directo NBC lo presenta tambe e conteo di medaya como tambe informacion di e ekipo di Merca y e schedule competi di evento.
Fuera di e 207 nacionan cu ta wordo spera pa participa na varios evento, mas di 10500 atleta , incluyiendo esnan cu ta bin pa prome biaha Kosovo y Sur Sudan lo participa den e Olimpiada di e aña aki. Deportenan nobo añadi na Olimpiada ta rugby y golf. 37 localidad lo wordo usa na Brazil incluyendo Sao Paulo, Salvador, Brasilia, Manaus y Belo Horizonte.

 Esaki ta e prome biaha cu Rio ta anfitrion di Olimpiada y esaki ta e prome biaha cu e ta tuma luga den Sur America. Rio de Janeiro a gana e bidding y asina a bira anfitrion pa Olimpiada 2016 na 2009. Otro contendornan tabata Madrid, Tokyo y Chicago.