Sports

No tabata tin hopi wowo seco ayera nochi na Fenway Park

Written by Super User. Posted in sports

David Ortiz  probablemente a hunga su ultimo wega cu Red Sox ayera nochi y e fanaticonan na Fenway Park a duna e cuarto bate un saludo mereci manera un heroe.
Ortiz a termina su carera den Red Sox cu un base por bola, contra di Cody Allen tabata su ultimo presentacion na e plato na Fenway Park. El a wordo reemplasa pa e coredo Marco Hernandez mientras cu Red Sox tabata purbando pa empata e wega. Durante di e wega aki Ortiz a bati di 0-1 cu dos base por bola y un RBI.
Ortiz a anuncia prome cu e temporada cu 2016 lo tabata su ultimo aña den grandes ligas. El a termina e aña cu 38 home run y 127 RBI.
Despues di wega Ortiz a sali saluda e publico un biaha mas, mientras cu e publico mescos cu Big Papi tabata awa na wowo mirando cu esaki tabata su despedida di grandes ligas.