Trendz

Trend nobo…dump otro via spotify

Written by Super User. Posted in trendz

Spotify ta un caminda unda cu bo por download musica y comparti bo listanan di musica faborito cu amistadnan unda cu ta. E ta bastante popular y usuarionan recientemente a haya un uso nobo pa esaki. Termina un relacion semper ta algo dificil. E discucionnan den despues y tur esaki hopi biaha ta hiba hende na busca e manera menos fastioso pa sali di cualkier relacion. Hopi ta scoge pa desparece por completo sin laga ni un splicacion atras.

 

E creatividad a yega te asina leu di haci uso di Spotify como e manera pa caba cu un relacion, pues bo ta traha bo lista di musica y manda esaki pa e persona pa asina e haya sa cu loke cu boso tin a caba. Well well well, ki bo ta pensa di esaki? Maske cu si bo pense bon esaki tabata algo logico cu mester a tuma luga mirando cu nan ya caba tabata haciendo uso di e listanan di musica aki pa basila otro y te hasta como tool special pa mehora un anochi romantico. Pues lo mas logico ta tambe pa haci uso di dje pa termina un relacion. Ta berdad cu ora cu e relacion ta nobo y bon, ta creativo con pa basila y conkista e persona ey ta hopi facil, pero na momento cu bo tin cu termina e relacion cos ta bira dificil. Y ta door di kisas e mesun ansha aki algun hende a yega na e idea pa termina e relacion via di Spotify cu un lista di musica.
E ta hopi facil pa haci, bo ta traha un lista di musica, dune un titulo por ehempel ‘Te aki nos a yega’, seleciona e canticanan cu segun bo ta pas cu loke cu bo kier bisa y manera pa e persona cu bo kier termina e relacion cune. Frieu noh??? Pero pense bon, pakico bo lo haci e esfuerso pa pensa kico ta e miho palbranan pa bisa si por ehempel Ed Sheeran, Trey Songz y James Arthur por haci esaki pa bo? Tene cuenta si cu e persona por manda bo un playlist bek, bo ta prepara pa ricibi esaki???


Cos ta cambia di berdad, algun aña pasa e trend tabata caba un relacion via un post-it note, sms of un app, awo ta via Spotify. Cua di nan bo ta haya mas pio?