Trendz

Doodle Man ta cubri galleria di arte na Norwich cu tremendo pintura

Written by Super User. Posted in trendz

E tabata un reto di 48 ora pa genera fondo pa un instancia caritativo y a haya hopi atencion for di tur hende cu a wak esaki. Sam Cox miho conoci como ‘Doodle Man’ a pasa dos dia incancabel ta cubri e muraya y vloer di Moosey Art Gallery na Norwich cu su forma distinctivo di pinta. E homber di 22 aña  traha completamente den blanco cu preto, pintando imagennan cu a inclui peil, skelet, auto, colebra, edificio, crocodile, curason, pushi, astronaut y te hasta wowonan cu ta cana.
El a cuminsa cu e reto diabierna merdia y a logra caba diadomingo atardi. Hopi hende a pasa tira bista riba e obra di arte cu el a haci durante di e dianan. Y tur cu a pasa serca di esaki y a wak e a keda impresiona cu e trabou di Doodle Man. Un di esnan cu a pasa ey banda a bisa ‘Loke cu e ta haci ta impresionante.
El a duna e luga asina un realse y tambe profondidad. Bo ta wak cu e tin un tema pero tog cosnan ta bastante varia. Mara ami por tabata tin su talento’. Pero loke cu finalmente a impresiona tur hende mas hopi ta cu e ta haci esaki pa recauda fondo pa un instancia caricativo pa mucha.
Tur loke cu el a pinta awo lo wordo kita for di muraya y parti den seccionnan na grandura di un A3 y lo wordo bendi na 10 dollar pa pida, tur e placa general lo bay pa World Child Cancer.