Articles

Habri porta pa December!!!

Written by Super User. Posted in news

Esaki ta e ultimo capitulo di 2018...December! Un luna yena cu actividad y hopi ambiente entre famia y amigonan. Na mes momento cue ta e momento perfecto pa reflexiona riba 2018 y con el a bay y si ba logra tur loke cu bo a pone pa e aña. E ta e momento idea pa cuminsa pone metanan nobo pa 2019 cu ta na caminda. Semper prepara bo mes pa loke cu ta na caminda. Teniendo encuenta bo deseonan y kico tur bo kier logra ta ora pa cuminsa planea y prepara pa 2019 na caminda. Tanten disfruta di December y tur loke cu e tin di ofrece y lo trece pa bo. Felis December!

Sylvester Stallone ta indica cu esaki ta e final di ‘Rocky’

Written by Super User. Posted in news

Tur cos bon tin cu yega na su final el a indica den un mas recien entrevista. Esaki probablemente lo ta e ultimo biaha cu fanaticonan lo wak di The Italian Stalion. Durante di e siman di lansamento di ‘Creed II’ Sylvester a duna hint cu esaki lo ta probablemente e ultimo biaha cu e lo hunga e rol di Rocky Balboa. ‘Mi djis kier gradici tur hende rond di mundo henter pa tuma henter e famia di Rocky den boso curason pa mas di 40 aña’, asina Stallone a skibi riba su instagram. ‘E tabata un privilegio hopi grandi di por a crea y hunga un personahe cu a significa asina hopi pa hopi hende. Y maske cu e ta kibra mi curason, tur cos tin cu pasa y caba un dia.

Felis dia Internacional di Hende Homber

Written by Super User. Posted in news

Awe 19 di November ta celebra dia internacional di hende homber. E celebracion di e dia aki a cuminsa den añanan 90 pa asina duna atencion na e ser masculino cu ta haciendo algo positivo den su comunidad of globalmente. Nan a dicidi pa haci e dia aki uno oficial mirando cu hopi biaha ta e cualidadnan negativo di e ser masculino, apesar di tur e aporte positivo cu ta pasa sin cu tur hende wak. Asina ta corda awe haci algo special pa e cabayeronan den bo bida.

 

Varios celebridad saca for di nan cas debi na candela na California

Written by Super User. Posted in news

Celebridadnan ta entre e milesnan cu a wordo ordena pa evacua pa motibo di e candelanan grandi na California. Varios di nan tin cas na e area costal di Malibu como tambe e barrio rico di Calabasas, cual ta parcialmente bo di evacuacion pa motibo di e candela grandi den Ventura y otro barionan di Los Angeles.

Hulandes di 69 aña ta cuminsa cu tramite legal pa haci su mes 20 aña mas hoben

Written by Super User. Posted in news

Gaña bo edad riba un website pa date ta considera manera algo malo. Pesey awo un homber Hulandes di 69 aña kier pa corte dicta y haci e oficialmente 20 aña mas hoben, comparando esaki cu esnan cu ta cambia nan identidad por ehempel esnan transgenero. Emile Ratelband a lansa un peticion legal pa haci su edad 20 aña mas hoben pa asina e por mehora su chensnan di haya un cita cu un hende muhe riba aplicacionnan manera Tinder como tambe yuda e cu su prospectonan di trabou, esaki ta raportahe di media Hulandes.