Buzz

Pakico unicamente den 46% di cultura mundial ta sunchi den boca?

Written by Super User. Posted in buzz

Sunchi otro no ta un regla tur caminda y su motibo lo por sorprende bo mas di loke cu bo ta kere. Probablemente bo ta pensa cu e sunchi den boca, ta e señal romantico tur caminda den nos cultura, e sunchi di berdad, manera e hobennan cu hormonanan loco ta haci e, cu esaki ta e señal di amor universal di forma excelente.

Niun hende lo tuma bon a malo si bo tambe ta pensa esaki, te hasta ciencia tabata pensa cu esaki ta e caso. Te despues di e estudio aki. A resulta, e acion unico aki di pone e bocanan hunto cu esun di un otro persona y comparti saliva durante di un tempo determina y na mes momento pasa otro mas di 800 miyon di bacteria, no ta algo di tur cultura. Pa ta mas exacto unicamente 46% di culturanan mundial ta practica esaki, segun estudionan haci recientemente pa un ekipo di e Universidad di Oxford na Inglatera. Pa bisa berdad, den hopi sociedad e idea di sunchi un hende specialmente den boca ta zona manera algo hopi vies, den e reino animal ta dos bestia so ta practica sunchimento. Den culturanan cu nan a haya, manera e tribo Mehinaka di Brasil, un sunchi den boca no ta wordo tolera y ta considera algo barbaro.
Esaki a hiba expertonan na pensa cu entre nos antepasadonan tampoco esaki tabata existi. E sunchi den boca por ta algo bastante nobo den un cultura mundial segun expertonan. E evidencia mas bieu di un sunchi ta wordo haya den texto sancrito di mas o menos 3 mil 500 aña pasa, unda cu nan ta describe esaki manera inhala e alma di otro. Di otro banda den ningun heroclifo Egipto por a wak figuranan humano ta sunchi, pa serca cu tabatatin tabata e descripcion di un relacion sentimental y fisico.
Den e mundo animal e informacion ta bruha bo un poco. Di un banda, macaconan ta sunchi otro den boca. Despues cu nan pleita, den e ritual di reconciliacion entre animalnan nan ta inclui sunchi y brasa, pero e acto ta mucho mas comun entre e machonan y nunca nan tin un funcion sexual. Mientras cu otro tipo di chimpanse, esta bonobos, ta sunchi otro durante di sexo, pero mester remaraca si cu nan ta haci uso di sexo manera un forma di saluda otro.

Y awo bo lo ta puntra bo mes ta pa kico nos ta sunchi esnan cu nos ta sunchi anto? Maske cu e sunchi no ta wordo comparti pa mayoria di e specie y ni sikiera e ta presente den e mita di culturanan mundial, probablemente e tin un origen biologico cu sin ta presente, por lo menos den e mayoria di e mamiferonan.E ta wordo uza na momento di busca y husga potencial pareha, varios especie ta haci uso di nan olfato. For di un jaguar te na un raton ta haci uso di esaki, nan ta saca un holor singular cu ta indica e balor genetico di e animal femenino. Segun investigacion haci na 1995, hende muhe ta prefera e holor di hombernan geneticamente diferente cu nan y segun un otro investigacion haci na 2013, e holor ta hunga un papel fundamental na e momento di considera e sunchi un exitoso of no, asina mas durante di e periodo di fertilidad femenino.  Segun expertonan, e sunchi por ta un gesto socialmente acepta of politicamente corecto cu den algun cultura a desaroya pa asina por hole otro di serca. Well ata bo contesta, asina straño y na mes momento asina simple.