Buzz

Parehanan cu ta comparti responsabilidad den cuido di yiu tin miho bida sexual

Written by Super User. Posted in buzz

  Un ekipo di investigador di Georgia State University a conclui cu parehanan heterosexual cu ta parti e resposabilidad di cuido di yiunan tin un calidad mash alto di relacion y tambe un miho bida sexual compara cu parehanan den cual mayoria di e responsabilidad ta wordo carga door di e mama so. E ekipo di investigador di e Universidad a analisa datos di 487 pareha heterosexual na 2006 pa e estudio aki.

Nan a traha grupo entre e parehanan, e gruponan tabata ta: relacionnan den cual e muhe tabata carga mayoria responsabilidad di cuido di mucho (por lo menos 60%), relacionnan den cual e homber ta carga mas responsabilidad di e cuido di e mucha (por lo menos 60%) y e ultimo grupo den cual e homber y muhe ta parti e reponsabilidadnan di cuido ( mas o menos 60% pa 40%).
Loke cu nan a investiga tabata 4 punto, ken tabata responsabel pa e reglanan, ken ta enforsa e reglanan, ken ta duna e muchanan compliment pa nan logro y ken ta hunga cu e muchanan. Tambe nan a studia e pareha su calidad di relacion, frecuencia sexual y calidad di bida sexual.
Tin un beneficio ora cu bo ta un tata cu ta hopi envolvi cu bo yiunan. E resultado di e estudio a indica cu ora muhernan tabata carga mas responsabilidad, tanto homber como muhe a raporta un calidad mas abou di nan relacion y bida sexual compara cu e parehanan cu ta comprati e responsabilidadnan di cuido di nan yiunan. Un di e resultadonan mas importante tabata cu e unico areglo di e cargo di responsabilidad di yiunan ta aparenta di ta basta problematico, pa tur dos pareha. Nan a ripara tambe den e estudio cu tatanan den un relacion heterosexual por tuma mayoria of tur responsabilidad di cuido sin afecta e relacion ni e bida sexual di e pareha den forma negativo. Fuera di esaki, parehanan den cual e homber ta carga mas di e responsabilidad di cuido tabata tin mesun hopi sex cu parehanan cu tabata comparti e responsabilidadnan y tabata contento cu e cantidad di sex cu nan tabata haci. Basa riba e conclucionnan aki, ta mustra cu tatanan tin hopi di gana door di inverti tempo den ciudo di nan yiunan.