Events

Bonnie Tyler lo canta ‘Total Eclipse of the Heart’ durante eclipse solar dialuna

Written by Super User. Posted in Events

Net ora cu e luna crusa over di e solo riba 21 di Augustus, pasaheronan riba Royal Caribbean su ‘Total Eclipse Cruise’ lo ta directamente aliña cu un otro strea esta Bonnie Tyler cu lo canta su exito di 1983 ‘Total Eclipse of the Heart’. E crusero a anuncia ayera cu e cu tabata di 66 aña lo ta e invitado special riba Oasis of the Seas, presentado e balada cu a lansa e den fama durante di e fenomeno celestial. ‘E lo ta hopi great. E no ta pasa hopi biaha toch?’, asina Tylers a bisa revista Time.
E barco lo sali dia 20 di Augustus for di Florida y lo navega den Caribe caminda pa Sint Maarten pa un Total Eclipse Cruise di 7 dia. Yegando na un localidad den e caminda di e eclipse total riba lama, Tyler lo canta e cantica riba e barco den e teatro den aire liber, acompaña pa e anda di Joe Jonas DNCE durante di e eclipse. Presidente y CEO di Royal Caribbean International ta considera Tyler un escogencia natural pa e evento special aki. E eclipse di e solo lo dura 2 minuut y 40 seconde, e cantica mester a wordo adapta na e cantidad di tempo aki. E cantica ainda ta un di esnan mas popular na momento cu hende scoge pa canta karaoke y tambe pa esnan cu ta competi na television.
Loke cu hopi hende no sa ta cu e cantica a wordo skibi pa Meat Loaf y compositor Jim Steinman exclusivamente pa Tyler. Mientras cu Tyler su presentacion Mientras cu e presentacion di Tyler sigur ta un evento hopi spera riba e Total Eclipse Cruise, Royal Caribbean tin e intencion di laga e ambiente celestial tur anochi e resto di e siman. Bishitantenan riba Oasis lo wordo ofreci un cantidad di actividad cu como tema, incluyendo fiestanan di aile, trivia, lecturaan, ciencia interactivo pa mucha y sabroso cocktail y platonan cu nombernan Cosmico manera Cosmo, Planeraty Punch y Moon Pie. Pero e trato di primera clase aki no ta caba eynan.

E bishitantenan por haci zip-line, gosa di shownan di broadway y gosa di plato nan fabuloso presenta pa e tremendo cef Michael Schwartz. Ora bo suma tur esaki e lo ta agradabel pa henter famia, te hasta apesar cu Tyler mester a corta den su cancion.