News

Felicidad…e cos mas busca pa humanidad!!!

Written by Super User. Posted in news

Mas di 6000 buki ta skibi riba e topico aki, expertonan y universidadnan ta haci investigacion riba dje y humanidad completo for di nos prome aña di existencia ta busca esaki; Felicidad!!! E ta aparentemente tur loke cu nos tin mester pa por biba manera cu nos kier y disfruta di tur loke cu nos tin y ta rond di nos.
 
E ta asina imporante cu te hasta gobiernonan mundial ta pone departamentonan special pa controla y maneha felicidad di e comunidad. Hopi ta pensa cu door di traha duro, logra exito nos ta bira felis, pero e ta net lo contrario. Ta net ora cu bo ta felis y positive bo ta mas productive, mas energetico y bo ta logra mas di loke cu bo pone bo dilanti. Ta asina tambe cu un hende felis ta masha contagioso y masha lihe por pega esnan rond di dje cu su felicidad.
Manera ora cu bo tira un piedra den awa y e ripple effect cuminsa, asina lihe felicidad por move di un hende pa otro. Loke cu ta stroba nos di haci esaki, ta e cantidad grandi di negativismo transmiti rond di nos, door di nos mes riba por ehempel rednan social. Ban trece un cambio den esaki, ta e piedra cu ta cay den awa y causa e ripple effect di felicidad pa esnan rond di bo. Wak e video aki y wak con facil e ta pa ta felis y haci esnan rond di bo felis.

 Ta e persona alegre ey cu tur hende tin gana di ta!!!