Trendz

Prome bordel di ‘sex-doll’ ta habri na Alemania ofreciendo prostitute di plastic

Written by Super User. Posted in trendz

Un bordel raro di ‘sex-doll’ a habri nan Alemania. E ‘Bordoll’ manera cu el a wordo yama, ta localisa riba un caya conoci pa tin prostitucion den Dortmund y ta wordo maneha pa un dama di 29 aña yama Evelyn Schwarz. Actualmente e ta cas pa 11 popchi di silicon y ta huur nan pa 80 euro pa ora. Cada un ta pisa mas o menos 30 kilo y tin nan mesun nomber y entidad unico, Schwarz a splica den un intrevista.
El a splica tambe cu el a importa e popchinan aki for di Asia y nan ta costa $1786 dollar. Segun e website di e Bordoll, e popchinan ta di un calidad hopi halto. Segun e website ta splica e damanan aki ta e dama di bo soño semper nan ta cla pa loke cu bo kier y sin tin mester di keha. Manera cu ofrece un prostitute di plastic no tabata straño suficiente, riba e website tambe nan ta duna un lista di loke cu e popchinan aki ta ofrece como servicio. E popchinan ta wordo categorisa den real, flaco, fantasia of anima y riba e website tin un lista di cada un dunando nan discripcion exacto, for di color di cabey pa tamaño di nan partinan di curpa. Nan ta encurasha clientenan pa bin cu paña pa bisti nan. E manehadora a splica cu e bordell ta masha popular, cu cada popchi cu mas o menos 12 cita pa dia cu hombernan di diferente edad y di diferente pais.
E ta bisa tambe cu 70% di nan clientenan ta bin bek pa un di dos bishita, e casanan di e clientenan aki ta tolera esaki masha, tin algun te hasta ta warda pafo den auto tanten cu nan casa tin relacion cu un popchi di plastic. Schwarz mester a remplasa e popchi ‘Anna’, un di esnan mas popular, despues cu un cliente a kibra e. Apesar cu e popchinan aki ta hopi diferente cu sex robots, cu por move, papia y te hasta reacciona ora cu bo mishi cunan, e etica den ta cu un di e dos popchinan aki ta casi mescos.
Segun e e autor di Love and Sex with Robots por trece un cantidad di beneficio positivo, manera yuda cu soledad serca hende soltero cu no por logra haci un relacion funciona. Nan no ta wak nada malo for di e punto etico den un relacion sexual cu un robot of un die popchinan aki. Su pensamento a wordo sosteni pa un otro estudio haci cu ta pensa cu e relacion sexual cu un robot lo por trece un revolucion den sex y yuda esnan cu ta pasa den dificultad den intimidad den bida real.......