Health

Estudio ta mustra cu hende sa ora cu nan a fayece

Written by Super User. Posted in health

Investigadornan na New York ta bisa cu despues cu un hende a fayece, nan celebro ainda ta activo. Kico esaki kiermen, segun e investigadornan, ta asina cu den mayoria casonan ta conciente cu nan a fayece. E investigacion a wordo haci pa un ekipo di New York University su Longone School of Medicine. Nan ta haciendo e estudio riba hendenan cu a a sufri un paro cardiaco.
Un di e expertonan a bisa cu tecnicamente bisa, cu ta asina nan ta declara e ora di morto ora cu e curason stop di funciona. Esnan cu sufri un paro cardiaco ta splica cu nan ta completamente conciente y ta wak kico e docter y nurse nan ta haciendo, nan ta scucha e combersacionnan y ta wak kico ta pasando. Expertonan ta saca afo asina ki cu esaki no lo por di ningun otro forma si e celebro no ta bibo y conciente. E ekipo di investigador kier haya sa mas di esaki y kico exactamente ta pasa den e celebro prome cu esaki stop di traha.
 
‘Nos ta purbando di compronde exactamente kico e hendenan ta pasa door di dje ora cu nan pasa den morto, paso nos ta compronde cu esaki lo por refleha e experiencia universal cu nos tur lo por pasa door di dje ora cu nos fayece’, asina un di e docternan di e ekipo a sigui splica. Nan lo sigui cu mas estudio riba e tema aki pa asina tin mas contesta riba e fase final aki di nos bida