Buzz

Frasenan cu ningun homber kier scucha riba cama

Written by Super User. Posted in buzz

Den sex palabranan tambe ta importante, pero ta existi algun frase cu a para bira un tipo di cliché cu e cabeyeronan odia scucha. Y maske cu tin gusto pa tur cos, mayoria di hende homber tin e tendencia di opina mescos. Cua ta algun di e frasenan ey? Siguientemente algun di nan.

*BO GUSTA? E ta bon pa bo puntra algun biaha, pero kibra e momento di pasion cu un pregunta cu ta end up di ta un “vibe killer”. Ora e gusta loke bo ta hasi cun’e, lo bo ripara sin mester di puntra.

MI TA E UNICO CU A YEGA DI HASI ESAKI CU BO? Esey ta un pregunta hopi incomodo y mas sigur e lo caba ta gañabo pa no ponebo sinti malo. No lage ta importante pa bo si bo ta e prome of e ultimo den hasi’e. Focus den e disfruta e momento.

“MI NO TA SINTI NADA” Hopi ofensivo. Bo lo pone bo pareha sinti malo. Si bo ripara cu su erectie no ta suficiente, bo por yud’e un tiki pa esaki bira mas fuerte. Puntre kiko e lo kier pa bo hasi cun’e. Te haste pregunta riba su mes lo pon’e excita mas.

KEHAMENTO DEN EXCESO E ta bon cu bo kier mand’e señal di satisfaccion, pero tampoco mester exagera. Nan ta sinti excita ora un muhe keha, pero ora e ta real. Si bo hasi hopi scandal, nan lo kere cu bo ta “fake” y lo bo logra e efecto contrario.

E TA BON ASINA? Den e momento di explora posicionnan nobo, ta importante pa bo mustra di ta sigur di bo mes. No puntr’e si e ta bon of no. Demostr’e con bon bo ta ariba cama!

SORRY, SORRY Tambe lo por surgi algun situacion inespera y hasta fastioso manera mordi un poco fuerte, pero esey ta motibo pa bo pasa henter anochi ta pidi sorry pa e sucedido. E tabata un accidente, no fin di mundo.
PURA! Lubida di bise esey! Sex ta algo pa relax, pa disfruta, no pa pone presion: ta dos persona, y e hecho cu abo ta sexualmente satisfecho, caba no ta nifica cu e tambe ta. Recuerda cu tin hende homber cu mester mas tempo pa yega na climax.