Trendz

Un sex shop lo habri den aeropuerto na California

Written by Super User. Posted in trendz

Un ‘pop-up’ sex shop lo ta habriendo su portanan den e Aeropuerto Internacional di San Francisco California e luna cu ta bin.
Nenna Joiner, doño di  Oakland’s Feelmore Adult Gallery, ta proponiendo pa habri un sex shop pa e bishitantenan di e aeropuerto cu tin 3, 4 ora of mas pa warda na e aeropuerto. ‘Ora cu hende ta na un aeropuerto anto nan avion tin retraso of nan tin oranan pa warda, esaki por ta un bon idea’, asina e doño di e luga a bisa.
‘Bo ta bay tin mester algo pa pasa tempo. No djis un waya pa carga telefon of un sandwich. Tin hende lo mester algo mas manera un vibrator, un condom of lubricante’. Joiner a splica cu e tienda lo ta discreto y lo cumpli cu tur e reglanan di Transporte y Aviacion necesario, pesey mes por ehempel nan lo no bende cabuya of handcuffs. Ya caba nan a cuminsa traha riba maneranan pa expone nan productonan sin cu esaki mester ofende esnan cu no ta considera esaki algo apropia.
E tienda lo ta habri pa tur hende sin importa nan color, sexo of preferencia sexual. Nan no sa ainda si nan lo haya e espacio no unicamente pa motibo di moralidad, pero pa motibo cu e renta ta halto y nan tin cu produci un cierto cantidad di placa pa por keda den e luga.

E aeropuerto ta sirbi mas o menos un total di 55.8 miyon di pasahero den un aña pues kisas toch e tienda lo por yega na e cantidad di placa ey pa paga nan huur y tambe keda den e espacio na Aeropuerto. Un idea pa Aruba?