Trendz

Coca-Cola ta trahando un refresco alcoholico cu lo por reemplasa cerbes

Written by Super User. Posted in trendz

Kisas ta momento pa duna frionan cu alcohol un chens atrobe. Coca-Cola a cuminsa e aña ta convence nos cu nos tin cu purba frio di refresco ora@o un biaha mas. Y ya, basta hende a gusta nan te hasta esun di ginger cu lamunchi. Awo, e gigante den e mundo di refresco kier purba algo ainda mas diferente sacando un liña di refresconan cu alcohol den nan y yamanan ‘alcopop’.
Ban cuminsa cu e mal noticia prome, e ‘alcopo’ nan lo sali unicamente pa e mercado Japones. Na Japon, hendenan ta bebiendo mas y mas Chu-Hi, un refresco combina cu un licor Japones yama shochu. E shochu ta wordo traha di batata dushi, barley, aros y otro ingredientenan y ta wordo destila. Chu-Hi ta un forma cortico di bisa shochu highball. Paso e tin un ABV relativamente abou, entre 3% cu 8%, y ta bin den sabornan di fruta manera lamunchi, grapefruit y peach,

Chu-Hi ta un bon alternative pa esnan cu no ta gusta bebe un cerbes pisa pero toch kier sinti un poco licor. Cu su propio forma di alcopop, Coca-Cola ta purba di subi un mercado di bebedornan cu ta busca un poco alcohol y nan ta haci esaki den un area chikito prome. Esaki ta e prome experiment cu Coca-Cola ta haci den 126 aña. Si esaki kisas bira exitoso lo e pro crusa lama Pasifico y nos tambe lo por purba esaki na luga di cerbes.