Health

KENEPA: UN FRUTA EXOTICO CU PROPIEDADNAN MEDICINAL INCREIBEL!

Written by Super User. Posted in health

Kenepa ta un fruta hopi popular den nos region, y normalmente sa come fresco aunke tambe tin hende cu ta traha juice y te hasta conserve di dje.
Kenepa ta un fruta hopi nutritivo cu hopi beneficio pa nos salud y siguientemente mi ta bay bisabo cua nan ta:
• Kenepa ta yuda preveni barica sera y ta yuda reduci colesterol debi na su contenido di fibra.
• Su contenido di vitamine A ta yuda hisa bo sistema inmunologico (weerstand) mescos cu e ta preveni e formacion di piedra den galblaas y ta mehora bo vision.
• E fruta aki tambe ta contene vitamine C cu ta actua como antioxidante yudando na proteha nos curpa contra daño di radicalnan liber y inflamacion, causante di hopi malesa, como tambe e vitamina aki por yuda preveni verkoud y griep.
• Calcium cu ta haya den kenepa ta beneficioso pa salud di nos djente y weso.
• Otro mineral cu por haya den kenepa ta fosfor, cu ta eficaz den regulacion di hormoon como tambe e ta sirbi pa mantene nos sistema digestivo saludabel.
• E fruta aki por sirbi den e tratamento di trastornonan di sueño manera insomnia ya cu e ta contene un gran cantidad di e aminoacido triptofano, nutriente esencial pa e control di soño y su efecto calmante den nos sistema nervioso, mescos cu otro beneficio pa salud.
• Kenepa tambe ta contene otro aminoacido esencial yama lisina cu ta fundamental pa nos organismo cu ta garantisa absorcion di calcium, yudando asina na e formacion di colageno, y stimulando e hormoon di crecemento.
E foyonan di e fruta aki tambe ta ser uza cu fin medicinal pa trata algun trastorno nervioso, infeccionnan y dolor di garganta.


Definitivamente ta trata di un fruta exotico cu una gran cantidad di elementonan y propiedadnan cu ta hasi di kenepa un fruta hopi completo y perfecto pa nos consumo.....