Estudio haci den barbershop a corta hombernan color scur nan cabey y tambe baha nan presion

 

Corta bo cabey, bo barba y bah abo presion? Hende hombernan color scur a baha un di nan riesgonan medico door di un Proyecto nobo cu ta mustra cu e poder di caranan familiar y un lugar di confiansa por mehora bo salud. E projecto a pone un cantidad di boticario di Los Angeles traha hunto cu varios barbershop pa test y trata nan clientenan.
E resultado, cu a wordo presenta den un conferencia di cardiologo dialuna, tin docternan planeando pa expande e proyecto pa Merca completo. ‘Tin un comunicacion habri den un barbershop. Tin un relacion y tambe confiansa’, asina Eric Muhammad, doño di un barbershop  y un di e barbershopnan participante a bisa ‘ Nos tin mucho mas influencia cu djis un doctor drenta den aki den’. E cantidad di hende homber color scur cu ta sufri di presion halto ta basta y e por causa problemanan manera stroke y ataca di curason. Unicamente mitar di Mericanonan cu presion halto tin e bou control, hopi no sa mes cu nan tin e condicion.
No ta prome biaha cu nan ta haci uso di lugarnan comunitario pa haci hende conciente di e necesidad di controla e curpa y varios condicion. E biaha aki e grupo di investigacion aki kier a aserca hende homber color scur y a busca esaki den varios barbershop. Nan a scoge e lugar aki paso aki hopi biaha e hende homber color scur ta topa otro un biaha pa siman na e mesun barber pa hopi aña caba. E ta asina un custumber e ta sinti manera un club, un di dos cas pues un ambiente cu nan tin confienasa den dje. Nan a haci e estudio aki den 17 barbershop na Dallas algun aña pasa.
Den e investigacion aki barberonan tabata test nan patronchi di presion y tabata recomenda nan pa bay docter y hopi biaha a wak un mehoracion modesto. Den e estudio aki nan a agrega algun paramedico, ya cu nan por a haya receta pa remedi mes ora si esaki tabata necesario. E investigacion aki a tuma luga cu 303 hende homber y 52 barbershop. Un grupo a haya flyer tocante di kico pa haci tocante di nan presion halto mientras cu nan tabata corta cabey. Un otro grupo a topa cu un paramedico den e barbershop y por a haya tratamento si nan presion tabata halto. Na final di e estudio, nan presion ariba tabata un averahe di 154.
Y despues di seis luna el a baha cu 9 punto pa esnan cu a haya e flyer di recomendacion y pa esnan cu a topa cu e paramedico el a baha cu 27 punto. Casi dos tercera parti di e hende hombernan cu a topa cu e paramedico a baha nan presion bou di 130/80, cu ta e rand pa presion halto. Unicamente 12% di esnan cu a haya flyer a logra baha nan nivel di presion. Hopi programanan medico kier logra resultadonan asina y mas ainda cu e ta wordo haci directamente den e comunidad mes. E no ta algo asina facil. Tratamento no semper ta nifica remedi, un estilo di bida mas saludabel por haci un cambio hopi grandi.

Un mal dieta, poco ehersicio y otro mal custumbernan lo por causa presion halto. E estudio aki a wordo descuti durante di e conferencia di cardiologo recientemente. Nan ta haya e tremendo pero no sa si e gastonan lo por ta demasiado halto. Esnan cu a haci e ultimo kier haci e un biaha mas pero e biaha aki nan kier logra haya 3000 hende homber