Container Aruba Dushi Tera t'ey e aña aki atrobe pa brindabo nan paña y accesorio pa celebracion di nos Dia Nacional

Un negoshi di famia cu a cuminsa chikito, bek na aña 2000, situa banda di caminda serca di airport.
Semper recorda como un di e prome negoshinan pa bende mercancia patriotico, Container Aruba Dushi Tera a cuminsa nan negoshi bendiendo unicamente bandera y e famoso bandananan. Segun tempo a pasa, nan a cuminsa introduci benta di blusa borda y cu diseñonan original y propio.
Segun añanan a pasa y e benta a cuminsa aumenta, Container Aruba Dushi Tera a dicidi di muda pa nan localidad actual, situa na Santa Cruz net banda di 88 Food Center. Aki nan tin 4 aña caba bendiendo nan mercancia pa 18 di maart, exitosamente.
Tur aña cu diseñonan unico y original, ta e atractivo principal di e compania di famia aki y locual ta pone e stempel di exito tras di Container Aruba Dushi Tera. E prijsnan ta di famia y e trato ta uno sumamente servicial y cordial.
No lubida di hasi nan un bishita y asina busca bo articulonan pa celebra nos fecha patrio como un bon Arubiano!