News

Hawaii a prohibi un tipo di sunblock cu ta peligroso pa e coral

Written by Super User. Posted in news

National Park Service ta calcula cu cada aña, entre 4 mil ton pa 14 mil ton di sunblock ta drenta e coral rif nan, danki na e hendenan cu ta hunta nan curpa yen cu sunblock pa proteha nan mes di solo prome cu nan bay snorkel. Mientras cu esaki ta un bon noticia pa combati cancer di cuero, e ta mal noticia pa e coral rif, ya cu investigadornan a haya como resultado den un test cu varios di e componentenan mas comun den sunblock por hiba na bleach e coralnan.

Awo Hawaii kier combati esaki.

E siman aki e estado a bira e prome estado Mericano cu a pasa e ley cu ta prohibi benta di sunscreen cu ta contene oxybenzone y octino, cual nan a ripara cu tin efecto riba dje.Na 2015 un estudio haci riba e coralnan na Hawaii, U.S. Virgin Islands y Isreal a haya cu oxybenzone ta bleach e coral for di su nutrientenan natural y haci e blanco. Strobando asina e desaroyo di bida marino manera pisca y otronan mas.
Mientras cu fabricantenan di sunblock ta contra di e prohibicion, e gobierno a pasa e ley contra di e benta di e sunblocknan cu ta contene e componentenan aki. Legalmente e lo tuma un poco mas tempo pa e wordo ehecuta tur caminda, pero ya caba parkenan y resortnan na Hawaii a cuminsa cu e prohibicion ci e benta y ta informa tur nan usuarionan pa no haci uso di e productonan cu ta contene e componentenan aki y ta conciente di esaki prome cu nan bula den awa.