Health

A haya un di 4 indicador cu lo por yuda detecta un stroke

Written by Super User. Posted in health

Imagina bo e situacion aki, durante di un BBQ su señora ta trompica y ta cay. El a sigura tur hende cu e ta bon y cu nada a pasa e. Esnan cu a wak e cos pasa ta ofrece pa yama paramediconan, pero e ta bisa cu ela djis strompica y cay riba e piedra y esakinan ta sapato nobo nan ta slip. Nan ta yuda e lanta para, haci su curpa limpi y a duna e un tayo pa come. Maske cu e tabata mustra un poco spanta, Jane a sigui gosa di su dia hunto cu tur esnan cu tabata rond. Jane su casa a yama algun rato despues pa bisa cu el a hiba Jane hospital, y lamentabelmente el a fayece e mesun atardi.
El a sufri un stroke ora cu el a cay na e BBQ. Si nan tabata sa con pa identifica un stroke, nan lo por a yuda e mes ora y kisas hasta evita su fayecimento. Un neurocirugano a bisa cu su nan haya un pashent di stroke den e prome 3 oranan nan lo por a yuda e hopi mas miho te hasta haci e efectonan bay bek. El a splica cu e triki importante ta pa reconoce cu ta un stroke a tuma luga, diagnostica e y duna e pashent asistencia medico den e prome tres oranan di a ricibi e stroke.
 
Con ta reconoce un stroke? Tin ora e sintomanan ta dificil pa identifica. Desafortunadamente e poco concientisacion ta haci cu hende no sa con pa reconoce y e lo por caba den disaster. Ora esnan cu ta serca no reconoce un stroke, e victima por sifri daño severo na su celebro. Algun di nan no ta fayece, pero ta keda den un condicion cu mester hopi ayudo y cu poco speransa. Awo docternan ta bisa cu esnan para na banda lo por yuda reconoce un stroke door di haci 3 simpel pregunta, cu por wordo corda cu e letternan di e palabra stroke.
*S: Pidi e persona pa Smile
*T: Pidi e persona pa Papia (Talk) frasenan simpel pa bo wak sib o ta compronde
*R: Pidi e persona pa Hisa (Raise) tur dos su brasanan.
Si e persona tin problema pa haci cualkier un di e cosnan aki, yama number di emergencia mes ora y describe e sintomanan na esun cu contesta telefon.
Un señal nobo pa reconoce un stroke ta pa pidi e persona pa saca lenga. Ora cu e haci esaki bo tin cu tuma nota si e lenga ta bay di un banda of no. Si e ta bay di banda esaki ta indicacion di un stroke.

E informacion aki ta uno valioso cu lo por yuda nan scapa bida di un otro ser humano na momento cu mas nan tin mester di dje.