Trendz

Fanationan di futbol a celebra asina fuerte na Mexico City cu el a causa un temblor artificial

Written by Super User. Posted in trendz

Lozano a score e unico goal den e wega cu Mexico a gana contra di Alemania, e actual campeonnan mundial, 1-0 tabata asina bon cu el causa un temblor artificial den Mexico City diadomingo ultimo. Dos stacion cu ta midi movecion na Mexico City a capta un temblor na e mesun momeno cu Lozano a score, 35 minuut den e wega. Sismologiconan na Chile tambe a bisa cu nan instrumentnan a detecta un temblor artificial na e mesun momento.
Director di e Southern California Earthquake Center a bisa USA TODAY sports cu e fanaticonan a celebra e goal asina hopi cu el a genera un temblor artificial cu a wordo midi riba e schala di Richter na 2, algo cu e publico normal lo no a ni nota si esaki tabata un temblor di berdad. Como comparacion, na 1985 e temblor cu a mata miles na y den e area di Mexico City tabata di un magnitude di 8.0, por lo menos miyones di biaha mas hopi cu e celebracion di e fanaticonan.
Actividad sismico induci a yega di wordo midi caba na momento cu a test armanan nuclear. Na Januari 2011 tambe nan a capta un sismo cu a wordo activa door di un evento deportivo. E ta algo cu na e centro nan ta haci djis pa pret paso hopi biaha e movecion ta asina chikito cu e ta dificil pa nota riba e schala y esey mes ta haci e hopi dificil pa analisa. Loke cu nan sa tambe cu e temblornan aki ocaciona pa alegria di fanaticonan, probablemente no tin ningun ecfecto riba temblornan real.

Pero mirando e celebracion cu tabata tin na Mexico City diadomingo ultimo no ta nada straño cu e tera a move na smaak.