Menos hende ta usa Facebook pa noticia

Hendenan ta conta menos riba Facebook pa haya noticia di rond di mundo y ta steun mas riba applicacionnan cu ta manda mensahe pa esaki, segun un encuesta haci pa Reuters Digital New Report siman ultimo.
Pakico esaki ta importante? Pa hopi aña a haci uso di rednan social, particularmente Facebook, pa noticianan actual y cu ta hala hopi atencion.
Awo, ta parce cu esaki ta bahando poco poco awo cu e confiansa den plataformanan di rednan social y Facebook ta pasando den varios problema cu noticianan falso cu ta wordo comparti.
Generalmente e uso di Facebook pa noticia a baha cu seis punto globalmente, for di 42% pa 36%, segun e estudio haci. E uso di applicacionnan di manda mensahe ta subiendo di forma drastico, particularmente den paisnan manera Malaysia y Turkia, unda cu pone informacionnan di noticia riba rednan social y habri por ta algo peligroso, segun informacion.
Usuarionan no ta raporta masha di haya nan noticia for di aplicaccionnan mas visual manera Instagram y Snapchat. Cual segun estudio globalmente ta wordo usa pa noticia un 3 pa 6 porciento. Un informacion interesante cu nan a haya den e estudio ta cu hende ta haci uso di diferente plataforma pa descubri nan noticia contra di ta involucre cu e noticia.

 Hopi di e participantenan di e encuesta ta bisa cu usa Facebook of Twitter pa haya noticia pero ta haci uso di aplicacionnan di mensahe pa comparti esaki cu esnan cu nan conoce di forma priva.