Cuisine

Apertura di un restaurant local Excelencia Restaurant cu cuminda pa un y tur

Written by Super User. Posted in cuisine

Na aña 1999 Cesar Velasquez a habri su negoshi Excelencia Catering Services & Take Away na Dakota y ta orguyoso cu despues di 9 aña dialuna dia 27 di Augustus a tene apertura di su restaurant nobo, esta Excelencia Restaurant.
Pa bin cu Excelencia Restaurant ta pa duna comunidad un servicio extra, pero tambe nan por yega den grupo pa sinta come durante breakfast, lunch y dinner specialmente priva, asina Cesar Velasquez, doño di Excelencia Restaurant a expresa. Cesar Velasquez kier pa tur hende sa cu e intencion y proposito ta pa tin un prijs local y special. Esunnan cu ta desea di bay cu cuminda, tambe por haci esaki.
Dialuna a tuma luga e apertura oficial unda cu un pastoor hunto cu mas invitado a bendiciona Excelencia Restaurant. Desde awe e restaurant ta habri pa henter comunidad di Aruba y internacional. E restaurant ta un fusion di cuminda local y internacional, unda tur hende por haya excelente cuminda crioyo y cuminda di lama dushi y tur esaki na un bon prijs. Tur dia lo tin un special na Excelencia Restaurant di appetizer, cuminda, dessert cu koffie of te pa 17.50 florin. Tur hende ta bon bini pa bin come na e restaurant, unda lo tin waiter wardando riba e clientenan pa asina sirbi nan.
Esunnan cu ta desea di haci reservacion por tuma contacto na 583-0021, tambe por yama 560-4063 pa servicionan di catering. E Excelencia Catering Services & Take Away ta haci servicionan di catering na departamentonan gubernamental, banco of esunnan cu ta pidi fiesta priva.

Tur hende por pasa na e restaurant tur dia na Wilhelminastraat y gosa di cumindanan local y internacional na un prijs excelente. E staff di Excelencia Restaurant ta invita comunidad di Aruba pa pasa cerca nan y disfruta di un dushi cuminda.