Trendz

Amor ta haci bo gordo, ciencia ta confirma esaki

Written by Super User. Posted in trendz

E parehanan mas felis ta bira gordo hunto, asina resultado di un investigacion a duna di conoce. Ken no a yega di tira culpa riba subimento di peso na su relacion nobo? Varios persona ta manifesta cu nan estado sentimental faborabel ta haci nan subi di peso y ta masha poco por nenga esaki paso mayoria di nos a yega di bisa esaki.

 

Pero awo ciencia a confirma e susedido aki. Cua ta e motibonan pa kico nos ta subi di peso ora cu nos topa cu amor di nos bida? Generalmente, e parehanan ta subi di peso paso ya nan no tin interes den impresiona un persona nobo, nan no ta bay gym mas pa asina nan por pasa tempo hunto, paso nan ta scoge pa bestel cuminda y paso nan ta sinti nan mes feliz y nan no ta nota e vet rolletje extra. Y awo, National Center for Biotechnology ta confirma esaki despues di a haci un studio cu 169 pareha durante un periodo di 4 aña y a ripara cu e felicidad ta haci nan subi di peso.
E parehanan aki a wordo pisa dos biaha pa aña, y nan a duna e proximo resultado. E parehanan cu a subi di peso a bisa cu nan ta sinti nan mes satisfecho cu nan relacion, fuera di sinti nan mes stabil y sigur cu nan pareha. E parehanan cu a mantene nan peso of te hasta a baha e peso cu nan tabata tin na comienso, a expresa cu nan no ta mucho feliz den nan relacion y cu te hasta nan ta pensa di separa. Si den bo caso abo y bo pareha a subi di peso, boso tin motibo valido pa defende boso kilonan extra..