Events

John Legend ta uni su mes como coach den ‘The Voice’ temporada #16

Written by Super User. Posted in Events

John Legend ta uni su mes na The Voice pa e di 16 temporada como un coach, asina e revista Variety a confirma. Legend lo tuma e luga over for di e coach actual esta Jennifer Hudson, cu ta sinta como coach pa e temporada 15, cu ta cuminsa awe dialuna esta 24 di Sept. Temporada 16 lo wordo lansa otro aña. Legend lo uni su mes na e coachnan cu ta bolbe esta Kelly Clarckson, Adam Levine y Blake Selton como tambe anfitrion di e show Carson Daily.
‘Mi ta super contento di bira un coach den e programa The Voice. Mi a yega di tabata un invitado y tambe un mentor den e show varios biaha awo mi ta mucho mas contento di tin e oportunidad pa discubri cantantenan nobo y yudanan haci lo mas hopi posibel cu nan talento. Mi ta spera cu mundo ta cla pa #TeamJL’, asina John Legend a bisa den un entrevista.
E noticia aki ta presenta su mes net despues cu Legend a forma parti di e distinguido grupo di gana un EGOT, esaki ta e personanan cu a yega di gana un Emmy, Oscar, Grammy y Tony Award. Legend a logra eskai despues cu el a gana un Emmy pa su produccion di ‘Jesus Christ Superstar” cu a tuma luga en bibo aña pasa. El a gana un Oscar pa e produccion di e musica pa e pelicula ‘Selma”.

 Su Tony Award el a gana pa e produccion di ‘Jitney’. Y durante di su carera como cantante Legend a gana 10 Grammy.