Trendz

Homber sera den supermercado pa un anochi ta come 8000 dollar na balor di cuminda

Written by Super User. Posted in trendz

Liam Norris di 47 aña a bisa cu e mester a haci uso di e supermercado su baño net algun minuut prome cu nan a sera y di forma accidental no a tuma nota di e alerta di e empleadonan cu nan ta bay sera e supermercado pa e anochi ey. Ora cu el a sali di baño, lusnan tabata paga y tur e empleadonan a bay. Norris a bisa cu el a spanta  ora cu el a realisa cu el a laga su telefon den su auto, y asina el a cuminsa come pa loco y causa disaster den e tienda. E ta splica cu ora cu e ta nervioso e ta come
Y cu ora cu el a ripara cu e ta sera den e tiendo, a bira loco y no por a haci nada otro cu yena su mes cu cuminda. Den e oranan prome cu el a wordo descubri pa e empleadonan cu a yega trabou trempan, el a logra di pasa door di miles di dollar di cuminda. E lista di loke Mr. Norris a come ta impresionantey ta lo siguiente: mas di 15 liber di beleg, 7 liber di keshi, 74 beef jerky, mas di 100 pop tarts, entre 60 pa 70 bara di chuculati, 5 dozijn di donuts, 7 caha di cookie di chuculati, cuater caha di brownies, 9 paki di cinnamon buns, 5 boter di marshmallow y e ta sigui.
Segun e manager du e tienda el a bebe tambe 17 bleki di refresco, 2 gallon di orange juice, 5 bleki di bebida energetico y mitar gallon di maple syrup, un cnatidad ridiculamente grandi di likido pa un homber cu tabata sera unicamente 8 ora. Sr. Norris ta bisa cu el a come e cantidad grandi di cuminda aki paso e tabata nervisoso. E ta splica cu e tabata su so den scur y tabata tin hopi miedo. El a cuminsa come pa asina e no pensa riba e hecho cu e tabata su so y sera y a keda haci esaki te ora cu el a wordo libera. Apesar di su splicacion, hopi hende ya questionando su version di e eventonan y ta sugeri cu el a planea e incidente aki. Un vocero di e oficina di polis a confirma cu un investigacion a wordo lansa pa asina determina si di berdad Sr. Norris tabata un victim di negligencia di empleado of si e mes a planea esaki di forma intencional.

Cada aña na Merca, hopi hende ta wordo sera den supermercado bou di varios sircunstancia. Mientras cu varios ta comunica rapidamente cu un hende pafo di e tienda pa nan bin saca nan, algun di nan sa keda pega pa varios ora. Na 2016 tabata un cliente di 71 aña cu a keda sera den un panaderia pa 3 dia mirando cu e tienda tabata sera pa Pasco. Den mayoria caso e clientenan no ta wordo cobra pa loke cu nan come mientras cu nan ta sera, pero algun tienda ta haci un excepcion notable na momento cu nan ripara cu e persona haci algo exagera.