News

Ayo Love Bug, awo si e final di e Volkswagen Beetle ta na caminda

Written by Super User. Posted in news

E ultimo Beetle lo wordo produci e zommer cu ta na caminda, asina VW a anuncia. E auto chikito Aleman a cuminsa wordo traha den e era di Nazi y despues a hiba un cantidad grandi di hippies diferente concierto, fesitivalnan di amor y diferente luga durante di e viahenan largo na final di añanan 80. Volswagen a anuncia recientemente cu e lo stop di produci e Beetle na juli 2019.

 

Benta di e auto conoci como ‘e auto di tur hende’ a cay di forma dramatico na Merca, mirando cu manehadornan ta prefera busca un auto mas grandi manera un SUV y no ta scoge pa e modelo mas modern di e auto aki cu na 1963 tabata den e pelicula di Disney ‘Herbie’ y tambe den e pelicula ‘Love Bug’. Volkswagen ta pensando si pa produci algo special pa e ‘Edicion Final’ pa asina celebra e serie di auto aki cu lo ta e ultimo cu lo sali for di e fabrica na Mexico.  E beetle original a wordo diseña na 1930 pa e legendario ingeniero Ferdinand Porsche riba e peticion di Adolf Hitler, kende tabata kier un auto barata cu por a wordo produci na masa grandi pa e Alemannan.
Despues di esaki Hitler a saca Porsche for di e fabrica pa asina traha riba e diseño di su tankinan di guera. Pero despues di guera e produccion di e Beetle a wordo tuma over pa algun aliado y asina e auto a yega Merca na 1949. Produccion di e Beetle a yega di stop y cuminsa un cantidad di biaha durante di e decadanan, y benta di e original tambe a subi baha durante di e temporada. Na 1990 nan a rediseña e Beetle y te hasta a crea un estilo nobo cu parce bou di e number di VW Golf.


‘E perdida di e Beetle despues di 3 generacion y despues di 7 decada ta lanta un cantidad di emocion serca e cantidad grandi di fanaticonan cu nan tin’, asina CEO di e compania a bisa.