Trendz

Bida riba rednan social y esun den realidad di hopi hende no ta cuadra

Written by Super User. Posted in trendz

E cos aki ya caba hopi biaha ta cuminsa na e display pic cu hende sa pone riba nan diferente cuentanan di rednan social. Hopi biaha e potret cu bo ta wak online no ta nada mescos di loke cu nan ta mustra ora cu bo topa nan car a cara riba caya. Awo e pregunta ta bin, dicon e diferencia grandi aki? Bo ta realisa toch cu bo no ta cana cu e display pic ey rond y cu nan lo top abo maner abo ta den bida real? Hecho ta cu riba rednan social ken cu ta por crea un bida fantacia yena di tur nan deseonan y tur e cosnan cu nan lo kier, pero un caminda bo mester por realisa cu esaki no ta berdad.
Hopi biaha hendenan ta post un cantidad di cos cu despues ta resulta di ta net lo contratio. Lo no ta mas miho pa djis post e berdad of simplemente keda keto? Y asina ningun hende ta biba bo bida y ni tampoco nan lo gara bo ta fantacia cosnan cu no ta berdad?
Leuk berdad cu riba red social nos tur lo por biba manera un gran artista, pero bo tin cu keda cu e coneccion cu realidad pa bo no perde den bo mesun gañamento.

 Corda ta famoso riba red social ta mescos cu ta rico den e wega di Monopoly…e NO ta berdad!