Health

Cuanto ta hopi webo?

Written by Super User. Posted in health

No tin un cifra specifico di cuanto webo hende por come como parti di un dieta saludabel. Un tempo a considera cu webo ta un cuminda no saludabel den termino di colesterol halto y problema di curason. E echo ta cu dor di webo ta contene nivel halto di colesterol tabata e causa primario.

Inicialmente a pensa cu consumi colesterol tabata significa hisa e nivel di colesterol den un curpa, cual por hisa e riesgo di problema di curason. Investigacion a mustra cu webo no ta hisa e posibilidad di problema di curason.
 

Colesterol den curpa
Colesterol ta un substancia di vet cu tin hopi funcion essencial. Su rol ta inclui sostene e produccion di celnan nobo y hormoon na e formacion di vet-dissolving di acido y yuda cu e absorbacion di vitamina. Awo cientificonan ta compronde cu e colesterol cu hende ta consumi den cuminda tin solamente un impacto chikito di nivel di colesterol den e curpa. E produccion mayoritario di colesterol ta tuma luga den higra. E factor cu mas influencia pa esaki no ta con hopi colesterol un hende ta consumi, pero otro factornan manera e cantidad di vet satura den dieet. Den pasado tambe tabatin mal comprension di e rol di colesterol den curpa.
Nivel bon y malo di colesterol
E forma con colesterol ta move den e sistema di sanger ta relevante na e impacto cu e tin. Sea “low-density lipoproteins” (LDL) of “high-density lipoprotein” (HDL) ta transporta colesterol. HDL ta responsabel pa colecta colesterol cu no mester mas y LDL ta transporta colesterol na areanan cu mester di dje. Nivel abnormal halto di colesterol LDL ta tipico no saludabel pasobra nan por construi y ocasiona obstruccion den adernan. Esaki por hisa e riesgo di ataca di curason. Ta considera colesterol HDL di ta mas saludabel cu colesterol LDL, door cu e ta saca colesterol di curpa.
Beneficio di webo
Webonan por contene cantidad di colesterol, pero nan no tin un impacto grandi di nivel di colesterol. Nan ta fuente di nutricion halto di proteina, conteniendo vitamina y mineral incluyendo:
•    Vitamina A
•    Vitamina B y B-12
•    Vitamina D
•    Iodine
•    Folate.

Ta facil pa inclui webo den un dieta balansa. E miho manera di consumi webo ta herbe sin uza salo. Come entre 1 pa 3 webo pa dia por tin hopi beneficio saludabel, pero e ta varia pa persona. No ta sigur si tin un limite na cuanto webo un persona por come pa dia. Mester di mas estudio den e area aki pa tin un claridad.