Health

Mas hende muhe di Sur Korea ta scoge pa vries nan webo

Written by Super User. Posted in health

Na Sur Korea un cantidad di hende muhe ta scogiendo pa vries nan webo, segun un encuesta haci. E number di hende muhe cu a mantene nan oocyte, of webo, gevries y a warda esaki pa uza despues a subi di 23 na 2013 pa 288 na 2018. Tur esaki ta segun e encuesta di South Korean CHA Hospital Group.
E hospital tin e number mas grandi di cantidad di webo gevries den e pais cu 1863 ebtre e total di 4586 webo, segun un investigacion na 2016 di Ministerio di Salubridad y Bienestar. E investigacion ta mustra cu hendenan muhe a dicidi pa mantene nan webo gevries pa futuro uzo of prome cu nan haci tratadonan pa enfermedadnan.
Den e ultimo 5 aña, e number di hende muhe cu a vries nan webo na CHA Hospital tabata 648, cual 310 di nan ta den nan 30, 243 ta den nan 40, 90 ta den nan 20 y 5 ta den nan 50 aña. E number di crecemento di hendenan muhe cu a vries nan webo y a warda esaki, ta refleha e deseo moderno di hende muhe pa preserva e reproduccion potencial mientras nan ta tarda pa casamento of haya yiu, segun e hospital.

“Vries webo ta mas conoci awendia compara cu antes, y muhenan ta opta pa vries nan webo pa uzo den futuro”, Heo Yoon-jeong, professor di CHA Hospital, a bisa. “Nos a mira hendenan muhe no casa den nan 20 a dicidi vries nan webo, hunto cu algun muhe casa den nan comienso di 30 aña,” Heo a bisa.